香港打工仔一向以工時長聞名，OT幾乎成為日常。根據政府統計處2024年數字，本港僱員每周工作時數中位數為 43.4小時，而在部分行業如住宿及膳食服務業更高達 50小時。另有研究指出，香港是全球第二大「過勞城市」，約有 67萬人長期過勞，比例達 17.9%。然而，返工唔係搵命搏，工作與休息取得平衡先能交出好表現。以下幾個徵兆，若你中招，極可能已陷入過勞狀態。

1. 太忙變健忘
同事幾分鐘前講嘅事，轉個頭就忘記，甚至連自己想講咩都記唔起。長期OT令休息不足，記憶力下降，係典型過勞警號。

2. 缺乏社交生活
OT令你無時間見朋友，聚會愈來愈少，關係逐漸疏離。即使有空見面，腦海仍被工作佔據，無法真正放鬆。

3. 不知放假樂趣
將工作帶返屋企，久而久之私人時間同工作時間分唔開。假期仍在開工，休息消失，等於逼自己做「工作奴隸」。

4. 只有疲累感覺
每日起身都攰到死，甚至周身骨痛，要靠咖啡或濃茶提神。呢個時候，你需要短途旅行或郊外活動，幫身心充電。

5. 工作表現每況愈下
專業知識和經驗未能如以往般發揮，代表你已到極限。真正假期或減少工作量係唯一解決方法。

6. 身邊充斥負能量
心情抑壓，精神狀態欠佳，容易因小事大發脾氣。負能量包圍下，工作與人際關係都受影響。

香港打工仔平均每年工作 2,147小時，比越南、印尼等地更長。過勞不單止影響表現，更會增加患病風險。若你出現以上徵兆，請即時調整工作與生活，否則「捱出病」就得不償失。

文：Jamie＠ECjobsonline 編輯部