熱門話題
1月康文署博物館免費入場！5間「真正免費」博物館
刊登日期: 2016-01-07
好消息！康樂及文化事務署轄下所有博物館（共17間博物館）於今年1月免費開放公眾入場，係得呢一個月咋！咁多間唔知去邊間好？其實當中佔左一半本身都係免費入場既，不如等小編介紹「真正免費」既俾你地去啦！
*不過，由於香港藝術館和香港太空館正進行翻新及擴建工程，現已全館關閉，一月將不會開放。
「真正免費」既博物館
1. 香港科學館 (標準票$25)
科學館係最抵玩，入面有超過500件展品，當中多達八成係互動形式，可以俾參觀者親手操控。本身成人票價要成25蚊，如果假期諗唔到去邊度，不妨襯佢免費開放入去行個圈，閒閒地都可以用你半日時間，既益智又有趣，真係唔錯既選擇！
留意：位於三樓的「兒童天地」及「能源效益中心」因進行工程將於1月7日起開始關閉。
開放時間：
星期一至三、五：上午10時至晚上7時
星期六、日及公眾假期：上午10時至晚上9時
星期四（公眾假期除外）、農曆年初一及二休館 （票務處於開館時同時開放，休館前一小時停止售票）
地址: 九龍尖沙咀東部科學館道二號（顯示地圖）
網站：http://hk.science.museum/
2. 香港歷史博物館 (標準票$10)
香港歷史博物館可以俾你好似坐時光機返去以前咁，睇返香港及南中國過去的歷史、考古發現、民族及自然生態等各方面的珍貴文物及資料，逢星期六、日下午仲可以去演講廳聽講座。最吸引係「香港故事」展覽特備節目有唔同既模型整，非常吸引！要留意返唔同模型製作有唔同時間喔！
留意：雜貨舖模型製作(逢星期日)，時間係下午4時30分至5時30分；早期香港海旁模型製作(逢星期一)，時間係上午11時30分至下午12時30分，兩者地點於「香港故事」展區四活動室，每節15人，一人一額方式登記，先到先得，額滿即止。活動於開始前15分鐘接受報名，費用全免。
開放時間：
星期一、三至五 : 上午10時至下午6時
星期六、日及公眾假期 : 上午10時至晚上7時
星期二（公眾假期除外）、農曆年初一及二休館
地址: 九龍尖沙咀漆咸道南100號（顯示地圖）
網站：http://hk.history.museum/
3. 香港文化博物館 (標準票$10)
位於沙田香港文化博物館內有六個常設展覽廳，即視聽導賞廳，新界文物館、粵劇文物館、兒童探知館、徐展堂中國藝術館及趙少昂藝術館。最好玩一定係兒童探知館，入面有得回顧香港昔日流行既懷舊玩具。除此之外，而家去仲有李小龍展覽 -《武‧藝‧人生─李小龍》，你仲可以睇埋《李小龍風采一生》紀錄片。
開放時間：
星期一、三至五 : 上午 10 時至下午 6 時
星期六、日及公眾假期 : 上午 10 時至晚上 7 時
星期二（公眾假期除外）、農曆年初一及二休館（票務處將於閉館前30分鐘關閉）
地址 ：香港新界沙田文林路一號（顯示地圖）
網站：http://hk.heritage.museum/
4. 孫中山紀念館 (標準票$10)
孫中山紀念館置有兩個常設展廳，展出多件珍貴的歷史文物，配合多元化的視聽節目，全面闡述孫先生的生平事跡，重構其傳奇一生。
開放時間：
星期一至三、五：上午10時至下午6時
星期六、日及公眾假期：上午10時至晚上7時
星期四（公眾假期、孫中山先生11月12日誕辰及3月12日忌辰除外）、農曆年初一及二休館
地址：香港中環半山衛城道7號（顯示地圖）
網站：http://hk.drsunyatsen.museum/
5. 香港海防博物館 (標準票$10)
香港海防博物館既前身係舊鯉魚門炮台，亦係百多年前香港最具規模的防禦工事，其實海防博物館係香港歷史博物館分館之一，係入面你可以欣賞好多軍事物資，例如坦克車、槍械、大炮等，係閑暇中去認識下歷史既樂趣。
開放時間：
星期一至三、五至日：上午10時至下午5時
星期四（公眾假期除外）、農曆年初一及二休館
地址: 筲箕灣東喜道175號（顯示地圖）
網站：http://hk.coastaldefence.museum/
香港有邊十七個博物館？
相信好多香港人都未必數得出香港有邊啲博物館，等我地黎話你知喇！
免費開放的博物館包括香港歷史博物館、香港文化博物館、香港科學館、香港海防博物館、孫中山紀念館、茶具文物館、三棟屋博物館、香港鐵路博物館、香港視覺藝術中心、香港電影資料館（電影院放映節目除外）、上窰民俗文物館、羅屋民俗館（客家屋一月七日起開放）、李鄭屋漢墓博物館、葛量洪號滅火輪展覽館、油街實現、香港文物探知館和屏山鄧族文物館。
不過想去既都要記得留意番開放時間呀！
點解會有免費參觀?
政府至明年4月推出全港大型公眾參與運動「欣賞香港」，運動的英文名稱Appreciate Hong Kong包含四重意義，分別是欣賞香港、感激香港、理解香港，並為香港增值。
其中項目包括低收入家庭免費遊覽海洋公園、迪士尼「伴你高飛」獎勵計劃、第50屆工展會「惠澤社群」活動、優遊博物館、家園購物「分」「紛」「分」、2016本地漁農美食迎春嘉年華、香港馬拉松嘉年華、紀律部隊訓練學校開放日、賞心樂食－美食文化節，和西九自由約升級版。
仲唔快啲Bookmark我地，約埋朋友出發啦~~~~~
文：Yvonne
熱門空缺
