熱門話題
外國公司推「4天工作週」結局係點？香港打工仔平均工時幾長？
刊登日期: 2023-05-15
「4天工作週」一直係唔少香港打工仔嘅夢想，而睇落似遙遙無期，好難喺香港見到呢一日。外國已經有間非牟利組織4 Day Week Global聯同多間公司做咗一個實驗，喺過去半年進行「每週放假3天」的實驗，而結果令人喜出望外！
半年過去，實驗結果發現「4天工作週」不但無令到公司收入減少，反而比去年同期增長38%！過去一啲論調指工作時間同收入係掛鉤，不過依家已經不攻自破。
而且，參加嘅員工反應都非常正面，覺得「週休3日」有助紓緩壓力、疲勞、失眠及倦怠問題，身心健康亦獲得改善，有約97%表示希望措施持續。參加的公司有33間，包括來自美國、愛爾蘭、澳洲及新西蘭，涉及903名員工，絕大多數進行實驗的公司不願回歸「5天工作週」。
Panasonic響應1星期放假3日
其實唔但止外國公司推行4天工作週，連工作時間出名長嘅日本，都愈來愈多公司響應4天工作週。
Panasonic實施「周休3日」希望員工達至work-life balance，有多啲的時間去追求個人興趣以及學習技能，或從事其他兼職和義工。
港人每周工時到底幾多？
根據政府統計處公布嘅報告，指出香港有12.4% 的就業人士工作60小時及以上，而工時中位數為40小時！
根據KISI本年度報告，香港喺「最佳工作與生活平衡的城市」（Cities With the Best Work-Life Balance）中排尾六，而喺「最過度勞累城市」(Top Overworked Cities in the Ranking)中，更是全球第一。
香港會否推「四天工作週」？
推行四天工作週睇落多咗一日假，對打工仔嚟講會舒服好多，但係需要多方面配合，先可以達到其目標。假設工時減少，但工作量無減，到最後員工都係要利用私人時間去完成工作，結果反而可能更差。
香港早在2010年開始討論標準工時立法，但時隔12年，有關立法工作仲未成事。相反，外國如西班牙係由政府推動「四天工作週」，效果先會更加顯著，如果政府一直不願重視呢個問題，就算香港推行「四天工作週」都無用。
6點舒緩工作壓力
既然改變唔到環境，只可以改變自己，小編搵咗以下有六個方法能有效幫助大家減輕吓工作壓力～
- 寫下你的任務清單：將優先順序，分門別類。
- 學習Say No：如果做唔哂啲嘢，應該通知上司，唔好死頂。
- 同同事呻吓：尋求同事幫助。
- 休息一下：間唔中離開座位，吸吓新鮮空氣！
- 保持運動：運動會產生增強幸福感的內啡肽。
- 積極社交：工餘時間搵多啲朋友出嚟食飯，遠離工作。
熱門空缺
