最近有網民喺討論區開咗一個帖，吸引到大量網民入去留言及討論，而入面講嘅嘢大部分打工仔都表示有同感或者親身試過添，就係「返工遇過最癲嘅蛇王法」！

 

樓主一嚟就講咗個好爆嘅經歷：佢當時做緊餐飲，但個經理一粒唔聲出咗去成粒鐘，返到嚟頭髮短咗勁多，大家就知佢去咗剪頭髮，結果就立即被老細當場炒咗。

 

 

唔少網民都話試過打完卡就出街或者返屋企做自己嘢，不過有網民就話試過中伏。佢打完卡去迪士尼，喺入面遇到老細一家大小玩緊，大家都愕哂然⋯

 

唔少人都話試過見到同事唔見咗個幾鐘，結果發現佢枱面多咗張戲飛。

 

「話出去同客傾野，去左揼兩part 泰式」、「我做會計成日要去入票，試過夾啱時間極速入完票就去隔離大廈做facial，間嘢咁啱可以自己上網book，做完就即走，返到去無人發覺到。」

 

「shift返夜更，只係得兩個人返，通常輪流食飯，個同事去食飯食左差唔多兩個幾鐘先返， 做到我好攰。然後佢食完返黎輪到我去食，我嬲嬲地直接搭車返屋企」、另一網民指「返新工頭2日跟同事training、佢叫我唔好阻住佢做野返屋企休息下得架啦。第一日9點返9點半就收工、第二日直頭無返工」

 

有個網民因為見工地方咁啱喺隔離大廈，偷偷哋去見工，返嚟嘅時候仲俾人問點解今日打Tie咁Formal。

 

馬雲曾經講過「想偷懶是好事，偷懶才會想辦法改變現狀」，而比爾蓋茲話過：「改變世界的人都是懶人」。

 

好多時，大家都會覺得返工蛇王係壞事，做咗薪水小偷，但其實適度嘅蛇王反而令到工作表現會更好，因為想偷懶令到你有動力去將工序化繁為簡，同時亦都可減壓，身心狀況都會變得更好，所以唔少成功嘅企業家都有自己嘅蛇王、偷懶方法，可見適度「偷懶」嘅重要性！

每日淨係著指標性的灰色T-shirt、簡單的深色牛仔褲，令到自己唔駛揀著咩衫，煩少一樣工作嘅煩惱。

 

馬雲說：「懶不是傻懶，如果你想少幹，就要想出懶方法。要懶出風格，懶出境界。像我從小就懶，連長肉都懶得長，這就是境界。」人為咗懶，就會有動力去研究更好嘅嘢，令到世界進步！

 

成日唔想做嘢？Instagram Kevin Systrom說：「如果您不想做某事，請與自己達成協議，至少做5分鐘。你最終會完成所有事情。」佢覺得適當嘅偷懶，反而可以令人更快進入狀況！

 

希望各位打工仔可以搵到一個工作同唔太離譜嘅「蛇王」方法喇！

文：Silver