「4天工作週」一直係香港打工仔嘅夢想，而呢夢想應該遙遙無期，好難喺香港見到呢一日。而外國有間非牟利組織4 Day Week Global聯同多間公司做咗一個實驗，過去半年進行「每週放假3天」的實驗！而結果令人好驚喜！

 

半年過去，結果發現「4天工作週」不但無令到公司收入減少，反而比去年同期增長38%！過去一啲論調指工作時間同收入係掛鉤，但依家已經不攻自破。 

 

而且，參加嘅員工都反應正面，覺得「週休3日」有助紓緩壓力、疲勞、失眠及倦怠問題，身心健康亦獲得改善，有約97%表示希望措施持續。參加的公司有33間，包括來自美國、愛爾蘭、澳洲及新西蘭，涉及903名員工，絕大多數進行實驗的公司不願回歸「5天工作週」。

 

其實唔但止外國公司推行4天工作週，連工作時間出名長嘅日本，都越嚟越多公司響應4天工作週。

 

Panasonic實施「周休3日」希望員工達至work-life balance，有多啲的時間去追求個人興趣以及學習技能，或從事其他兼職和義工。

 

根據政府統計處公布嘅報告，指出香港有12.4% 的就業人士工作60小時及以上，而工時中位數為40小時！

 

根據KISI本年度報告，香港喺「最佳工作與生活平衡的城市」排行榜（Cities With the Best Work-Life Balance）中排尾六，而喺「最過度勞累城市」(Top Overworked Cities in the Ranking)中，更是全球第一名。

 

推行四天工作週睇落多咗一日假，對打工仔嚟講會舒服好多，但其實需要多方面配合，先可以達到其目標。就例如，如果工時減少，但工作量無減，到最後員工都係要用私人時間去完成工作，結果可能適得其反。

 

香港早喺2010年開始展開標準工時立法討論，但時隔12年，相關立法工作尚未完成。相反，外國如西班牙係由政府推動「四天工作週」，效果先會更加顯著，如果政府一直唔重視呢個問題，就算香港推行「四天工作週」都無用。

 

既然改變唔到環境，只可以改變自己，以下有六個方法令大家減輕吓工作壓力～

文：Silver