唔少公司都會提供零食喺Pantry，等同事口痕或者肚餓時可以有啲嘢食，而當中薯片，餅乾呢啲一定走唔甩。但你哋知唔知好多煎炸或者焗嘅嘢都有好多基因致癌物「丙烯酰胺」？

 

消委會近排做咗個測試，檢驗市面14種食物，包括薯片、蔬菜脆片、薯條、餅乾、烘麵包、穀類早餐、嬰兒食品、咖啡和咖啡代替品，去比較以上嘅食物入面嘅基因致癌物「丙烯酰胺」含量。

 

而結果令人意想不到！

 

1. 蔬菜脆片　（1,121微克／公斤）

2. 薯片　（1457微克／公斤）

3. 即溶咖啡　（730微克／公斤）

4. 薯條　（266微克／公斤）

5. 烘焙咖啡　（264微克／公斤）

6. 3歲以下兒童常吃的餅乾及威化餅　（251微克／公斤）

7. 一般餅乾　（220微克／公斤）

8. 克力架餅乾　（136微克／公斤）

 

大家係咪估唔到係蔬菜脆片最嚴重呢？其係實係因為用煎或者炸嘢嘅時候會產生化學反應，令到產生比食物本身更加多嘅丙烯酰胺。


 

丙烯酰胺係一種基因致癌物質和同埋神經毒性物質。好耐以前國際癌症研究機構IARC已經將丙烯酰胺歸類為「可能令人類致癌」（第2A組）。喺2017，歐盟更加發佈新嘅食物安全法規2017/2158「減少食物中丙烯酰胺含量的緩解措施和基準水平」。

 

消委會指，丙烯酰胺主要係喺植物製成嘅食物中入面，好似薯仔、穀類製品同咖啡。

 

實驗內發現一種蔬菜脆片係高達4,900微克比起平均值高咗四倍，但由於消委會無提供資料，所以唔知係邊隻。

 

1. 少啲食煎炸嘢！

2. 避免食啲燒焦或者顔色過深嘅食物！

3. 煮嘢食唔好太熱或者太耐！

4. 多啲用水煮或者蒸嘅方法煮食！

文：阿飛