唔少人見工都想要留到一個好嘅第一印象嘅。尤其係當你係職場新鮮人，無乜見工經驗個陣，如果遇著一啲關於間公司嘅問題，而你又唔夠準備嘅時候就會表現差啦。咁到底要準備定啲咩呢？不如睇下以下依三點啦：
 

要說服到見你個嗰interviewer你係真係了解間公司嘅最好方法就係可以講到佢同競爭者之間有咩優勝過人嘅地方啦。要點樣先知？唔少嘅大企業會係佢哋嘅網站上面提供依啲答案，去吸引客人選用佢哋嘅。

唔少公司會選擇透露佢哋嘅理念同埋價值觀去show俾人睇點解佢哋比其他同行更勝一籌，依啲自我介紹通常可以係「About Us」個一欄到搵到嘅。假設你係準備要去一間marketing agency到見工，「投入客戶服務」可能係佢同埋其他同行都著重嘅嘢，但係如果間公司另一個著重口戈日山方針係可持續性嘅話，咁就值得留意啦。

係見工之前，溫習下依啲基本嘢，同埋另外一啲你應該要知道嘅嘢，就好似公司規模，地點，同埋佢嘅歷史咁樣。見你個位HR唔會只係想要一啲可以係個網站上面都搵到嘅答案。

如果你係間公司嘅網站上面，搵到一啲同投資者有關嘅分頁，不妨click入去睇下。好多大公司嘅網站都會有「Investor Relations」個一欄，去俾投資散戶了解佢哋嘅週年報表同埋財政狀況。依啲財政資訊會包含咗嗰間公司一大堆資訊，包括有咩新產品，公司嘅風險管理，同埋邊一個部門係賺緊錢同埋財政狀況係穩建之類。

當你手頭上有依啲資訊，咁就有利你去做出相應嘅決定啦。你唔需要一定要清楚講出公司嘅股價同埋集資歷史，但如果你可以大概形容下公司嘅財政前境嘅話，並配以你所得嘅資訊作佐證，咁人哋就會對你有一個好好嘅印象啦。
 

當你apply緊份工嗰陣，見你嗰個人可能一早已經Google過你嘅社交帳戶，咁你就山更加應該起翻對家個底細啦。
 

除咗細閱同間公司相關嘅新聞之外，有關商業運作消息嘅blog post都係值得留意嘅，尤其係嗰啲仲發緊圍嘅年輕公司。無論係請新人定係介紹一啲新嘅服務，你都應該清楚了解間公司嘅動向。
 

LinkedIn係一個好好嘅工具，去俾你了解公司對外宣傳嘅最新消息。Follow間公司嘅專頁，可以俾你睇到公司想俾客戶睇到嘅嘢。例如係一啲營業額報告啊，又或者係節日嘅市場推廣策略等等。當你係個interview提起間公司做過乜嘢嗰陣，人哋自然對你個印象就會好啲啦。

當你係LinkedIn做緊research嘅時候，你可以試下搵下個interviewer嘅背景。同時，你要準備好你自己個個account，咁人哋search你嘅時候，你都可以有嘢俾人睇啊嘛。你亦都可以藉此俾人睇到你上心同埋整理能力好嘅一面。

做齊以上依三方面嘅research，自然會提升到interviewer對你嘅第一印象啦。

文：特雷弗
讀嘅係心理學，做嘅又係心理學嘅嘢，志願係唔再做心理學嘅嘢。

資料來源：The Muse