熱門話題
無父幹點算好? 職場心理學家:後生賺大錢最緊要1樣嘢
刊登日期: 2019-11-21財務分析師同職場心理學家Tom Corley曾經出過一本書去探討收入高同收入平庸嘅人,有咩主要分別。結果發現高收入人士比較善於利用各種方法去賺錢,例如學投資同埋精於計預算,若要得到一個可觀而且更高嘅收入,就要運用一啲比較傳統嘅智慧。尤其係想賺大錢嘅後生仔之間,依啲傳統智慧就更加有用。
Corley曾經訪問過唔少高收入人士,去探討佢哋係點喺後生嗰陣就靠白手興家成為富豪。你可能會驚訝,原來係學校有好嘅成績係唔會保證你有一個富有嘅將來。事實上,唔少白手興家嘅人係成績差嘅。係Corley嘅訪問入面,只有兩成嘅受訪者係學校入面拎過A。Corley相信依個成績同賺錢嘅反比係基於受訪者嘅不屈精神,有自信但學業唔好嘅人通常會發展更高嘅耐性。
根據Corley所講,佢嘅受訪者多數係由窮困嘅家庭或者中產,再慢慢發展成百萬富翁。兩者嘅出身都接近半成。
當你將發達同埋性格特徵扯上關係,你或者就會慢慢明白點解賺錢同成績好係無必然關係。職場作家Rainer Zitelmann曾經訪問過一群百萬同億萬富翁,去了解佢哋有咩共同性格特徵。根據佢嘅研究,高收入人士大多數都願意嘗試一啲高風險嘅嘢,同重視並相信自己嘅直覺,呢類人大部份形容自己係非傳統同非主流。依種性格特質往往係成績較差嘅學生身上出現,因為佢哋多數忠於自己想做嘅嘢而非跟隨主流。
Zitelmann嘅研究亦都發現高收入人士通常會用財富去確保自己得到自由同埋獨立性,係佢哋窮同做學生嘅時候得唔到嘅。
總括嚟講,後生想要賺大錢,最重要係相信自己直覺,同要有耐性堅持去做,唔好太易俾社會定形叫你做咩就做咩。
文:特雷弗
讀嘅係心理學,做嘅又係心理學嘅嘢,志願係唔再做心理學嘅嘢。
資料來源:Business Insider
你可能感興趣
熱門空缺