熱門話題
做編劇教懂我的4件事
刊登日期: 2019-06-24
啱啱入行嘅時候，好多前輩都話以前做編劇都算係「撈偏」，因為以前入行唔係咁容易而且好多時編刻對住嘅都係五湖四海嘅人，會遇到好多想像唔到嘅人同埋事。雖然我只係做咗幾年編劇，令都令我見多識廣咗，同時學識咗以下呢4樣嘢。
學多啲唔同嘅嘢先會多機會
好似頭先咁講，對於之前嘅人嚟講編劇呢行都算冷門同神秘。但依加編劇唔再好似以前咁冷門，多咗唔同嘅方法入行，如果做編劇都唔洗剩係做電影或者電視。
依加，多咗微電影、短片、宣傳片⋯⋯好多公司都需要編劇，就咁聽落依加嘅編劇好似好馨香咁，但其實一啲都唔係。因為始終香港地做創意嘅都係比較難搵到食，亦唔多人會欣賞，再加上依加市況難做，有幾多人會因入戲院睇港產片。所以依加做編劇唔但只可以度到橋，好多時連拍攝或者都燈光都要識埋如果唔係好難有人會搵你。就好似，依加職場上咁，如果你剩係專於一樣嘢會比其他人少咗機會，所以要學識增值自己！
唔好怕蝕底
點解唔好怕蝕底呢，係因為如果好多嘢你都斤斤計較嘅話，你會無咗好多機會。正如頭先咁講，香港地創意搵食艱難，好多人要爭飯食，如果你咩都計較咁多嘅話，你就好難證明到自己嘅價值俾其他人睇。
所以一定係要唔怕蝕底，死做難做，總會有人發掘到你嘅好！證明到自己係隻 Fit馬！咁當然都唔好太作賤自己，唔好俾人當免費勞工。
要喺機會入面搵機會
點樣唔好俾人當免費勞工呢，就係你都要學識點樣令對方著數。有時，著數唔一定係關於錢，反而係識到人會更加重要。好似，我聽聞過有人喺某公司識到啲志同道合嘅人，佢哋一齊離開原來間公司，自己創業。
呢啲都可以係著數，有時認識到某啲人會比起你賺到少少錢會更有用！而佢哋亦可能會成為你嘅伙伴！
睇到問題之餘亦要諗到解決方法
呢個係我覺得最有用嘅得著，因為以前我剩係識睇到人地橋入面嘅不足之處，但無提返一啲建設性嘅幫助，只係破壞而唔識解決入面嘅問題只會令到成組人嘅進度拖慢。
我被人點醒之後，我以後係提出不合理性之前我都會做多一步，就下諗下點樣可以呢入面嘅不合變得合理，令到成件事會有推進。而呢樣嘢亦會令你比起其他人可以更特別，而唔係剩係做一個破壞者，反之更加有貢獻。
文：Sliver
熱門空缺
