熱門話題
【政府筍工】郵政署請二級助理郵務監督 月薪可達5萬
刊登日期: 2018-08-29
今時今日唔一定要大學畢業先可以月入2萬嘅，事關郵政署現正招聘二級助理郵務監督，起薪點已經有 $22,865，頂薪更達 $53,195！有DSE學歷就申請得，咁筍嘅工去邊度搵啊？
根據公務員事務局的網頁，二級助理郵務監督的月薪為 $22,865至 $53,195不等。申請人只要 DSE 5科（可包括中、英文）考獲level 3，或具同等學歷；符合語文能力要求，即DSE中、英文科考獲level 2成績，即符合入職條件，具備物流、運輸及/或商業管理方面的學歷資格及/或工作經驗者，可獲優先考慮。為提高大眾對《基本法》的認知和推廣學習《基本法》的風氣，政府會考核申請人的《基本法》知識。申請人如獲邀參加能力傾向測試，將於測試當日接受基本法知識筆試，主要係考你一啲基本法嘅歷史、重點和剖析等等，測試表現會用作評核整體表現，各位記得溫定書喇！
二級助理郵務監督的主要職責為：管理郵政分局的郵政服務和資源管理；進行研究和分析數據及資料，協助部門就郵務運作、業務發展和組織發展等方面作出決策；協助尋找新的商機，對業務需求作出回應；協助提供資訊科技和郵務機械化方面的解決方案；協助管理辦公地方編配計劃；以及提供郵政相關業務所需的行政支援，包括國際郵政事務、財務、公關服務和員工培訓與發展。獲取錄人士，將會按公務員試用條款受聘3年，並可享有有薪假期、醫療及牙科診療和房屋資助等福利，通過試用關限後，或可獲考慮按長期聘用條款聘用。
能力傾向測試方面，通常係畀份multiple choice嘅試卷你，要你喺30分鐘內完成30條英文及中文嘅題目，內容可包括演繹推理、數據分析及推理、解釋表格和圖表，以及錯誤識別等等。至於面試，就有機會叫你自我介紹，問你郵政署嘅架構、政府架構，對郵務有咩認識，同畀啲與工作實務相關嘅處境題你。
有興趣人士，可於2018年8月30日，晚上11:59或之前，透過公務員事務局網站申請；或將申請表寄送至香港中環康樂廣場2號香港郵政總部4字樓招聘組（請於信封面註明「申請二級助理郵務監督職位」）。申請表可向民政諮詢中心或就業中心索取，亦可從上述網址下載。申請人如獲邀參加能力傾向測試，會在截止申請後約12個星期內收到通知，只有通過能力傾向測試的申請人，才會獲邀參加遴選面試，申請人如獲邀參加遴選面試，會在能力傾向測試後約8個星期內收到通知，睇嚟呢份工要過五關、斬六將先有機會得到，大家要好好加油喇！
二級助理郵務監督職位職位詳情：http://bit.ly/2BXrEtK
文：Noelle
熱門空缺
