【試食控注意】食家萬勿錯過香港試食節2018

刊登日期: 2018-05-11

快啲啦快啲啦！嚟緊嘅5月18至20號瞓醒就可以去食好西！好西日日都有得食，做乜小編一定要去九龍灣展貿嗰度食啊？

因為今次載譽歸來嘅第三屆香港試食節由展覽集團有限公司誠意舉辦，呢個係歷屆最大嘅試食節，悉心呈獻過百款國際美食予一眾食家可以一次過大飽口福！仲可以俾大家現場欣賞名廚達人（李錦聯+榮式住家飯）點樣醉心廚藝！

咁就唔使去百貨公司嘅超市入面試食，得少少又唔夠喉，今次仲唔攞正牌入去盡情試食？小編唔客氣喇！

為咗有要求嘅你，小編私心推介試食優質澳洲酒醉鮮鮑魚，夠晒鮮甜，爽口彈牙！仲有西班牙黑毛豬火腿，諗起陣甘香就流哂口水，香港係美食天堂，點少得超入味嘅八座牛雜，真係就晒你，連長洲郭錦記嘅平安酥都走埋出嚟等你去品嚐，而本地製作嘅鹹蛋魚皮大大塊勁香脆梗係要支持啦，食到停唔到口未夠喉？梗係要食埋甜品先至算圓滿，唔使你周圍走可以食到長洲興發記嘅九份芋圓，煙煙韌韌真係好有咬口，而雪糕代表就有來自Labmade嘅分子雪糕同埋照顧一眾素食者嘅HappyCow素食雪糕，啱食嘅咪買啲返屋企再慢慢嘆囉。

ECjobsonline 搵工易身為合作媒體夥伴着數點止咁少，今次仲有入場卷送啊！只要跟足參加方法就有機會獲得香港試食節2018入場券，數量有限手快有手慢冇！

參加活動方法好簡單，即刻入去呢條link睇吓：https://www.ecjobsonline.com/foodtasting2018/

小編話嘅，食得是福，開心的話日日都可以係做節，一於帶埋班親朋好友去試食節，舒舒服服咁由朝食到黑啦！

文：金金