熱門話題
【提神5寶】咖啡以外的提神選擇
刊登日期: 2017-11-07
打工仔成日都唔夠訓，唯有每日拍幾杯咖啡提神。不過飲得多咖啡會頭痛又傷胃，就算好唔夠精神都唔好飲咁多呀！咁唔飲咖啡，唔飲茶，仲可以飲咩呢？以下呢提神寶，就同咖啡有同樣功效，甚至比咖啡更提神添！
1. 胡椒薄荷茶
胡椒薄荷除了可以幫助消化、消炎同提神醒腦，佢的香氣更可有效提高注意力和減少疲勞感，每朝飲一杯，就實唔怕恰眼訓啦！工作效率一定可以有效提升！
2. 奇亞籽
奇亞籽係近年被喻為超級食物之一，好多女士可能剩係知道奇亞籽的碳水化合物和脂肪量不高，又有飽肚感，係減肥食物之選，但其實奇亞籽的好處唔止呢啲架！奇亞籽含豐富的氨基酸、礦物質、蛋白質和維生素等等，其中奧米加3的脂肪酸更能有助消除疲勞、活動大腦，對女士定對打工仔都係提神恩物！
3. 生可可豆加蒲公英根配杏仁或豆漿
可可能調整體內的脂肪代謝、加強抗壓力和提升大腦功能，提神功效絕對不會輸比咖啡，加埋能有助補充鈣、鎂、鐵、鋅、鉀等的蒲公英根，配杏仁或豆漿以替代咖啡因，一樣可以為人體補充所需能量，味道仲同咖啡好似添！
4. 蘋果醋
蘋果醋中的有機酸和氨基酸除了能消除疲勞，內含果膠更加能夠促進腸胃消化，又有減肥功效，絕對是女士的恩物。如果想進一步促進新陳代謝和提神醒腦，可以在蘋果醋中加入蜂蜜，蜂蜜的營養成分豐富，含多種維生素、葉酸和礦物質等等，咁就既天然又健康喇 !
5. 蔬果汁
各類蔬果都含有豐富的營養素，例如鐵、鎂、維生素B和維生素C等等，各項營養都能為人體提供所需能量，幫助提神醒腦。早餐飲一杯，健康好味又提神！
咖啡雖然可以提神，但飲得多咖啡因會上癮，甚至引發心血管疾病。比多啲提神選擇自己，自然唔會依賴左咖啡，人都健康啲啦 !
文：Noelle
熱門空缺
