外國依家流行緊一個心理測驗，就係憑著你食早餐嘅習慣就可以知道你平時嘅性格竹人女火點。想知道你隔離嗰位好遲先翻到公司、隨手拎個包嘅同事啱轉咩工？而你老細成日翻到公司再出去扮做嘢、實情慢慢嘆個all day breakfast又係咩性格？快啲入嚟睇下啦。

首先揀你通常幾點食早餐：
1.    早過8點
2.    遲過8點

再揀一星期食幾多日早餐：
3.    多過3日
4.    少過3日

如果你係揀1,3的話，你可能就啱做一個健身教練：
你著重健康，健康就係你嘅生活。而且，你樂於助人，仲好鍾意幫助其他人去達成佢哋嘅瘦身目標。因為你，唔少人都可以係夏天之前達到比堅尼身材，齊齊為健美季節做好準備！

如果你係揀1,4的話，你可能就啱做一個社交媒體市場推廣：
食得少早餐但又著重早餐靚嘅你，可能係掛住玩手機或者相機食先嘅人。咁就啱啦，經常玩社交媒體嘅你可能已經掌握令啲post多人like 嘅秘訣。你嘅能力可以令大眾受到啓發，仲會積極參與你推廣緊嘅社交平台添。努力試下唔同嘅方法同內容，或者有一日你可以改變成個科技行業呢。

如果你係揀2,3的話，你可能就啱做一位CEO：
你重視細節，所以對食啲乜嘢都要多啲時間去諗，又會想等自己個人醒晒先去開始享受食物。你尤其重視所有事情嘅最終結果，所以先要等一段時間先去食埋個早餐。依兩種特質令你成為一個好嘅領袖，永遠可以跟隨著時間嘅流動而隨機應機。如果你有冇嘅生意諗法，即管快啲去馬啦，或者你遲下就會上到福布斯名人榜添架。

如果你係揀2,4的話，你可能就啱做一位網頁設計師：
食早餐時間隨性嘅你，代表著你唔鍾意跟著框框走。係任何發揮到創意嘅地方都會令到你熱情如火，就好似創造出一個得意好玩嘅網站咁樣。市場上需要唔少嘅圖文同埋網頁設計。由細做起，幫你嘅朋友同埋家人做出一啲網站，同時間建立你嘅portfolio。好快你就可以釣到大客，發展出你嘅freelance事業架啦。

原來一個簡單嘅早餐習慣，都可以反映到你嘅性格同職場潛力。無論你係健康至上嘅健身教練型、潮流觸覺敏銳嘅社交媒體人、細節控嘅CEO，定係創意爆棚嘅網頁設計師，早餐都係你生活態度嘅縮影。下次食早餐時，不妨留意下自己嘅選擇，可能就會發現更多關於你性格嘅小秘密。咁，你又屬於邊一類型呢？

文：Jamie＠ECjobsonline 編輯部