講起旅遊保險，好多人第一時間只會諗起「行李遺失」、航班延誤，但其實一份全面嘅旅保計劃，保障範圍遠比你想像中多。以下就一次過幫你拆解幾個你可能忽略咗、但實用度極高嘅保障項目，幫你出發前做足準備！

1. 取消或提早結束行程
如果你因為突發情況（例如嚴重疾病、證人傳票、目的地暴亂等）而要取消或提早結束旅程，旅保可以賠償你已支付但無法退回的機票及住宿費用。記得保留所有單據，否則難以成功索償。

2. 緊急醫療及住院支援
旅途中遇上意外或突發疾病，醫療費用可能高得驚人。旅保一般會涵蓋住院、門診、藥費等開支，部分計劃更包括回港後最多3個月內的覆診費用。記得保留醫生證明、收據及病歷資料，並註明貨幣及治療詳情。

3. 親屬探訪及子女護送
如果你在外地住院，部分旅保會賠償直系親屬前來探病的交通費用。若你與未成年子女同行，而你需住院，保險亦可涵蓋安排子女安全返港的費用，甚至包括陪同成人的開支。

4. 個人責任保障
萬一你在旅途中不小心撞傷他人或損壞財物，旅保可以為你承擔法律責任及賠償。不過要留意，切勿私下賠償或和解，應即時報警並保留證據（例如相片、證人資料等），否則可能影響索償。

5. 旅程延誤條款陷阱
航班延誤係常見索償原因，但條款細節要睇清楚。大部分計劃要求延誤達6至12小時先可賠償，金額由$250至$3,000不等。

注意以下幾點：

• 延誤時間需「連續」，唔係分段累積
• 有啲保單只保障「啟程」嗰程，唔包轉機
• 「空中交通管制」一般唔受保，除非由天氣或災害引起
• 延誤5小時59分都唔賠，要足鐘先得！

6. 行李延誤／遺失／證件損失
行李延誤超過6小時，購買緊急衣物或用品可獲補償，但回程行李延誤通常唔包。
如遺失護照或個人物品，保險可賠償損失及補領開支。不過，無人看管下遺失（例如遺留在車上）通常唔受保，記得即時報警並保留報案紀錄。

7. 金錢損失保障
部分旅保計劃會保障因搶劫或意外遺失現金、旅行支票等財物，但條件嚴格，需於24小時內報案，並提供詳細紀錄。記得準備好報失表格，避免語言障礙影響索償。

小貼士：索償要記得

• 回港後30日內提交索償申請
• 保留所有單據、證明、報案紀錄
• 如有疑問，應即時向保險公司或代理查詢

考考你：以下情況可索償嗎？
情況1：無人看管的行李 → ❌ 不獲賠償
因屬個人疏忽，保險公司一般不會賠償。

情況2：行程延誤前遇車禍 → ❌ 不獲賠償
因意外發生於保單生效前，建議提早一日生效保單。

情況3：因天災錯過航班，另購機票返港 → ✅ 有機會獲賠償
前提是保單涵蓋「自然災害」及「行程延誤導致額外交通費用」，並提供證明。

情況4：航班延誤因空中交通管制 → ❌ 一般不獲賠償
除非航空公司證明延誤由天氣或災害引起，否則「空管」不屬受保範圍。

情況5：因颱風改降落地點，需額外住宿及交通 → ✅ 有機會獲賠償
若保單涵蓋「因天氣改變行程」並有住宿及交通保障，可申請賠償。

情況6：返港時行李延誤 → ❌ 一般不獲賠償
大部分旅保只保障「去程」行李延誤，回程不在受保範圍。

文：Jamie＠ECjobsonline 編輯部

相關文章：
唔係平就得！點揀旅遊保險先唔會索償失敗？