你有冇試過一朝早起身就覺得肚脹脹、係咁打嗝，甚至有反胃、想嘔嘅感覺？唔知係食得唔健康、唔夠瞓定係腸胃差，搞到早餐都食唔落，真係好困擾！其實，根據醫學研究，約60–70%胃氣係因為進食太快吸入空氣，而30–40%則係食物消化過程中產生氣體。如果你長期有胃脹問題，可能係腸胃功能失調、飲食習慣差，甚至係壓力大導致腸胃蠕動變慢。

唔使怕！以下7種天然食物可以幫你舒緩胃氣、改善消化，朝早唔再肚突突！

牛油果
含有豐富鉀質，有助排走體內多餘鈉離子，減少水腫和脹氣。每100g牛油果含有485mg鉀，比香蕉仲高！仲有健康脂肪，幫助腸道吸收脂溶性維他命。

奇異果
奇異果係高纖水果，每粒含約2.1g膳食纖維，有助促進腸道蠕動、排走宿便。研究指出，奇異果中嘅奇異酵素（actinidin）可以加快蛋白質分解，減少消化不良引起嘅胃氣。

菠蘿
菠蘿含有菠蘿蛋白酶（bromelain），能分解蛋白質、減少胃脹。仲有抗發炎功效，幫助舒緩腸胃不適。每100g菠蘿含有約1.4g纖維，有助排便。

木瓜
木瓜含有木瓜酵素（papain），可以分解蛋白質，減少腸胃負擔。仲有豐富維他命C和纖維，有助調節腸胃功能，改善消化。

薑
薑含有薑辣素（gingerol），可以放鬆消化道肌肉、促進胃液分泌，改善胃脹和噁心。建議沖薑茶飲用，暖胃又殺菌。研究顯示，薑可減少36%胃脹不適症狀。

茴香
茴香含有天然精油如茴香醛（anethole），有助促進消化、減少腸氣積聚。仲富含抗氧化物、纖維、維他命C，係對抗胃氣嘅隱藏高手！

蘆筍
蘆筍係高纖蔬菜，每100g含有約2.1g纖維，有助腸道健康。其利尿作用可以排走多餘水份，減少腹脹。仲含有益生元，有助腸道益菌生長。

小貼士：改善胃氣生活習慣

• 食飯慢啲，每口咬20下
• 少飲汽水、少食豆類、乳製品
• 飯後散步10分鐘，促進腸道蠕動
• 避免邊食邊講嘢，減少吞入空氣
• 睡眠充足，減少壓力

朝早唔想再肚脹？就由飲食開始改善啦！食得啱，腸胃自然順，返工都精神啲！

文：Jamie＠ECjobsonline 編輯部