你今日返工攰唔攰？如果你係香港打工仔，月入中位數約22,000港元，咁你要做足22年，先賺到C朗拿度一日嘅收入。冇錯，係「一日」！😮

根據《Forbes》福布斯最新公佈嘅2025年度全球最高收入運動員排行榜，葡萄牙球王C朗拿朗（Cristiano Ronaldo）以 2.75億美元（約 21.5億港元）榮登榜首。換算佢每日收入，約 75萬美元，即係 589萬港元。你冇睇錯，佢一覺瞓醒，銀行戶口就多咗幾百萬。

C朗收入拆解（以港元計算）

換句話，C朗每講一句說話、每踢一腳波、甚至每呼吸一口氣，都可能已經袋咗 六十幾蚊港紙落袋。你而家睇完呢段文字，佢可能已經賺咗幾千蚊。

而香港人根據政府統計處數據，2024年每月就業收入中位數為 22,000港元，即每年約 26.4萬港元。咁計落，C朗一日收入就等於香港普通打工仔嘅22年人工。你仲喺度諗緊加人工幾多%，人哋已經每日加緊幾百萬。

運動員收入排行榜：唔止打波咁簡單
今年全球50位最高收入運動員總收入高達 42.3億美元，創歷史新高。入圍門檻都升到 5,360萬美元，比去年高咗19%。唔係頂級巨星，連門口都入唔到。

以下係部分頂尖運動員收入：

唔少人以為運動員收入主要靠比賽獎金或球隊薪酬，但事實上，代言、廣告、社交媒體影響力都係重要收入來源。C朗就係其中一個例子，佢Instagram followers超過6億，單靠一個post都可以收幾十萬美元。

廣告代言王者：大谷翔平
日本棒球明星大谷翔平雖然職棒年薪「只係」250萬美元，但靠廣告代言就賺咗 1億美元，場外收入係場內嘅 40倍！佢唔止係球場上嘅MVP，仲係品牌界嘅寵兒。

佢代言品牌包括 Asics、Seiko、Boss、Panasonic 等等，形象健康、親民又有實力，深受全球市場歡迎。相比起其他運動員，大谷嘅收入模式更似一個「企業」，多元化又穩定。

歷年最勁收入王係邊個？
雖然C朗今年再登榜首，但歷史上最高年度收入紀錄仍然由前世界拳王 Floyd Mayweather 保持：

• 2015年：3億美元
• 2018年：2.85億美元

C朗目前五度登頂（2016、2017、2023、2024、2025），但仍未打破美韋達嘅紀錄。值得一提，美韋達嘅收入主要來自拳賽分紅，尤其係與曼尼·帕奎奧（Manny Pacquiao）一戰，創下歷史性票房。

打工仔的日常 vs 球星的日薪

睇完呢篇，你可能會問：「我做咁多年都唔夠人一日收入，仲有冇希望？」其實，唔一定要做球星先有高收入，重點係搵到你嘅價值所在。C朗靠腳，你可以靠腦、靠創意、靠堅持。

而家嘅世界唔再只靠傳統職業，YouTuber、KOL、創業者、NFT藝術家都可以創造屬於自己嘅財富模式。最重要係：你有冇諗過自己可以成為「收入排行榜」上嘅一員？

2025全球最高收入運動員排行榜

文：Jamie＠ECjobsonline 編輯部