見工最怕 HR 突然拋出一啲「簡單但致命」嘅問題，唔少打工仔一時無準備就口啞啞。其實呢啲問題背後都有心理學考量，考驗你嘅臨場反應、邏輯同真誠。以下就逐條拆解，教你點答先有說服力。
 
「講一啲你關於你自己嘅嘢」
依條問題聽落簡單，簡單到唔少人都會無準備過點答，但依條問題係非常重要嘅。個關鍵就在於：唔好講晒你以前翻過啲咩工。反而，你應該一擊即中，用一段簡潔而具說服力嘅經歷去解釋點解你係適合做依家見緊嘅崗位啦。試下用兩三個成就或者係經歷去打開個頭，話俾個僱者或者HR聽你最想佢哋知嘅嘢，然後再講下之前嘅經歷點樣幫到你去依家嘅位置。
 
「你點樣知道有依個空缺？」
又一個聽上去唔係好難答嘅面試問題。但諗深一層，其實係一個俾你展示對間新公司的熱誠同埋連繫嘅大好機會嚟嘅。例如，如果你透過某啲朋友或者係入面做嘢嘅專業人士得知一啲公司嘅一啲新發展或者係動向，可以試下提下依個人嘅名，然後分享下點解你對於嗰個發展或者動向覺得興奮。若果你係睇到文章或者出席一個活動知道嗰間公司嘅動態嘅話，不妨分享出嚟。
 
「你知道依間公司嘅乜嘢呢？」
任何人都可以睇同埋刨熟間公司網頁入嘅「關於我們」嘅。所以，當個面試官問你依個問題，佢哋唔係想知你係咪理解佢哋嘅使命，反而佢哋想知你係咪真係關心佢哋嘅使命。用一句開頭去展示出你明白公司嘅目標，用喺個網頁上面嘅一堆關鍵字同埋一啲短句，然之後將依啲仗命配合你自己嘅個人價值觀去講。例如，你可以話「我個人認同依個使命係因為……」，又或者「我相信 貴公司嘅方針係因為……」然後就分享一個你一早就準備好嘅個人故事。
 
「點解你想做依份工呢？」
再一次講，公司總係想請一啲有熱誠嘅人，所以當人問你點解想翻依份工，你就要答得好啲啦。如果你答唔到嘅話，你最好就過主啦。首先，你要搵出幾個關鍵位去解釋點解份工係十分之適合你。例如：「我鍾意customer service係因為我鍾意恆常咁與人交流，同埋好享受幫人解決問題所帶來嘅滿足感。」然後，分享下點解你鍾意間公司。例如：「我對教育有好大嘅熱誠，而且我覺你哋係喺行業做得好好，所以想成為你哋嘅其中一員。」
 
「點解我哋要請你呢？」
依條面試問題聽上去十分直接，亦都十分嚇人。但如果有人問起你，你就真係非常好彩啦。因為依個係一個去同個面試官sell你自己同埋你嘅skills嘅大好機會。你嘅工作係去度一個可以覆蓋晒三個方面嘅答案：你唔單止可以做到份工，你仲可以做得出好好嘅成果，你可以適合係個團隊同職場文化入面工作，而你相比起其他競爭者係更值得請嘅。
 
面試問題表面簡單，背後其實係心理測試。學識點答，就可以展示你嘅專業、熱誠同價值觀契合度，下次見工就唔怕被人問到口啞啞。

文：特雷弗
讀嘅係心理學，做嘅又係心理學嘅嘢，志願係唔再做心理學嘅嘢。