今年拜年想顯心思？LinkedIn 最新《機遇信心指數》顯示，不同年齡層港人對事業與人生有唔同追求。根據調查結果，度身訂造祝賀語，針對親戚好友嘅心聲送上最啱聽嘅祝福，可能仲幫你多收幾封利是！

致 90、00 後：「早日夢想變事業！」
調查顯示，18-29 歲年輕人最重視「找到熱愛工作」，超過 28% 認為這是美好人生的關鍵，另有 43% 希望「創立或拓展自己事業」。可見年輕一代對事業抱負極大，但近兩成表示缺乏信心。拜年時，長輩除了問「拍拖未」、「幾時結婚」，不妨改口鼓勵佢哋追夢，甚至分享自身經驗，成為佢哋的「明燈」。

致 80 後：「事業發展大突破！」
30-39 歲港人普遍渴望事業更上一層樓，包括積極尋找新機遇 (23%)、學習新技能 (41%)，甚至出國闖一闖 (20%)。但近 35% 認為「缺乏人際網絡」係最大障礙。拜年時，親戚好友可以成為佢哋的第一層人脈，長輩更可引薦後輩比其他朋友，幫佢哋打開事業新局面。

致 70 後：「開展人生新一章！」
40-49 歲港人特別重視子女生活 (26%)，同時嚮往旅行 (29%) 及追求生活自主 (29%)。拜年時，與其追問子女成績，不如鼓勵佢哋分享新一年如何實現興趣與目標。年輕一輩亦可介紹潮流玩樂熱點，甚至邀請佢哋參與朋友圈活動，擴闊社交圈子。

致 60 後：「學業進步！」
50-60 歲港人渴望學習新技能 (31%)，接觸新文化及認識新朋友 (23%)。但近一成擔心追不上科技發展。拜年時，年輕人唔好只做低頭族，可以主動教佢哋用手機 App、社交媒體，幫助吸收新資訊，與社會一齊進步。

新年拜年不止係送賀禮，仲係一個了解親友心聲、送上最真摯祝福嘅好機會。針對唔同年齡層度身訂造祝賀語，既能拉近距離，又能鼓勵佢哋迎接新一年挑戰。

文：Jamie＠ECjobsonline 編輯部