年紀唔再十八廿二，開始諗將來，但另一半仲未出現，點講將來呢？讀書冇拍拖，出嚟做嘢以為有機會，點知戀愛運零。其實，冇拖拍，會唔會同你份工有關呢？

建造業：麻甩形象阻姻緣
地盤工雖然收入唔差，但少女仔入行少，返工識女仔機會低。加上社會對「麻甩」形象嘅刻板印象，第一印象往往扣分。其實建造業越嚟越專業，女士們唔好一聽到「做地盤」就即刻say no。

老師：OT到冇時間拍拖
老師多數係女性，識男仔機會少。仲要成日改簿、備課、補課，考試期更加忙到天昏地暗。瞓都冇時間，仲邊有心力拍拖？有啲男士仲怕另一半係老師，覺得會成日「教訓」自己。

記者：24小時on call
記者工時不定，成日要追新聞，拍拖時間自然冇。就算想喺公司識異性，最多都係攝影師，其他同事長期唔喺office，連朋友都難識。

IT人：宅男形象難突破
IT人精通科技，但長期對住電腦，容易畀人覺得係「宅男」，同異性溝通能力弱，拍拖機會自然減。

空中服務員／機師：Long D難維持
成日飛嚟飛去，識人難，拍拖更難。就算有拖拍，長期異地令安全感不足，感情好難維持。旅行雖然好玩，但未必係感情加分。

護士：忙到冇私人生活
護士多數係女性，醫療界人手不足，經常要捱更抵夜，weekend同假期都要返工。忙到氣喘吁吁，拍拖時間自然冇。

實驗人員：對住化學品多過人
入lab做研究，長期捱夜，滿口化學名，生活圈子窄，異性自然被嚇走。

三十幾歲仲未拍拖，唔一定係你條件唔好，可能只係份工阻住咗姻緣。唔洗為咗拍拖就轉工，多啲出去social、識朋友、主動啲，你嘅真命天子／女自然會出現。

文：Noelle