去旅行，大家都會記得訂機票、酒店，但往往忽略咗一樣重要嘅事：旅遊保險。其實買旅遊保險嘅時機，直接影響到你能否獲得全面保障。

旅遊保幾時買最好？

• 一訂好行程就買：只要確定咗機票或酒店，就應立即投保，因為保障由投保一刻開始生效。
• 避免臨出發先買：如果事故或病症已經發生，保險公司通常不會賠償。
• 最早可提前一年：部分保險公司容許旅客在出發前一年內購買，適合長途旅行。
• 保障期以「離家出發日」為準：例如你1月1日晚上去機場，即使航班係1月2日凌晨，保單生效日都應選1月1日。

需要注意事項

• 取消行程要有突發原因：改變主意或已知不能成行通常不受保。
• 全年旅遊保險要留意期限：只要旅程開始日喺保單有效期內，即使跨年都受保。
• 特殊行程需額外保障：例如郵輪旅行，可能要加購專門條款。

旅遊保FAQ
Q1：如果我已經病咗先買旅遊保險，仲有冇保障？
👉 一般情況下，投保前已存在嘅疾病唔受保。保險只涵蓋「未知風險」。

Q2：臨出發前一日先買得唔得？
👉 技術上可以，但如果出發前已經發生事故或確診，保險公司通常唔會賠。最好係訂好行程就即刻買。

Q3：行李延誤返到香港仲有冇得賠？
👉 大部分保單只涵蓋旅程中嘅行李延誤，返港後就唔受保。

Q4：取消行程因為天災（例如颱風、地震）會唔會有保障？
👉 一般保單會涵蓋因天災導致嘅取消或延誤，但要睇清楚條款，有啲原因（例如空中交通管制）係唔包。

Q5：如果旅程因病延長，保險會唔會 Cover 額外住宿？
👉 多數保單會涵蓋因突發疾病而延長旅程嘅合理住宿及交通費用，但要提供醫生證明。

旅遊保險並非「臨急抱佛腳」先買，而係應該 一確定行程就投保，咁先可以保障出發前同旅程中嘅未知風險。提早準備，先至可以真正做到「買得安心，用得放心」。

相關文章：
旅遊保險唔止包行李！你未必知嘅保障範圍一次過講晒
唔係平就得！點揀旅遊保險先唔會索償失敗？

文：Jamie＠ECjobsonline 編輯部