科技嘅發展一日千里，好多以前做唔到嘅嘢，依家有AI呢種高科技就好輕易可以解決。呢種便利亦會令好多行業帶嚟好重大嘅改變，例如會俾AI（人工智能）取代，台積電創辦人張忠謀都曾經講到「未來許多工作將被AI取代」。

而最近牛津大學馬丁學院團隊做咗個分析，去睇邊呢幾種常見嘅職業消失嘅機會率！

1.    客服人員／電話銷售人員被取代率99%
依家打去CS，好多時都會喺錄音去做分流，其實比起以前已經請少咗CS。依家越嚟越多大公司研發，點樣用AI去解答顧客嘅問題，所以做CS嘅好大機會被取代。再加上依家好多公司都唔再靠Cold Call搵客，而用喺網上落廣告！

2.    快遞及外送員被取代率97.8%
星艦科技（Starship Technologies）研發咗「星艦快遞機器人」（Starship Delivery Robot），2016年開始喺美國矽谷幫忙餐飲業者送餐，平均15～30分鐘就可完成送餐任務

3.    會計師被取代率 93.5%
因為AI可以自動追蹤發票、成本額度，以及資產流動狀況，可以令到會計工作唔再咁繁瑣，亦都減少出錯嘅機會。

4.    店員被取代率 92.3%
依家多咗無人商店出現，好似Amazon GO咁，唔駛員工補貨，亦都唔駛人收錢！呢個都似乎係大趨勢。

5.   導遊被取代率 90.6%
夏普（Sharp）開發咗個機器人導遊，內建完備嘅GPS，仲可以介紹沿途景點嘅歷史、特色，還能指示離你最近的車站、呢啲交通資訊，令你唔怕喺陌生嘅國家迷路。

6.   的士司機被取代率 89.4%
唔少車都研發緊自動駕駛技術，相信不久可以成熟到唔需要人去揸車。

7.   地產代理被取代率 86.4%
依家講求大數據嘅年代，多咗公司用AI去分析消費者買樓嘅意圖，並提供意外，等消費者查詢成交或者係試算房貸。比起真人更加快同準確！

AI時代最緊要增值自己咩能力好？

• 人機合作力
• 創作力／創造力
• 溝通／社交力
• 管理決策力
• 學習能力

文：SILVER