【矛盾大對決】五天工作週錢少 VS 五天半工作週錢多 估唔到網民竟然係咁揀！你會點樣揀？

【矛盾大對決】五天工作週錢少 VS 五天半工作週錢多估唔到網民竟然係咁揀！你會點樣揀？

刊登日期: 2023-04-28

香港地大部分嘅文員、Office工等文職工種都係行五天工作週，每星期只少有兩日可以回下氣再重新面對星期一。不過其實有唔少打工仔都係返緊5.5或者6天工作週，例如：零售、飲食、物管、工程或運輸等。

而最近就有網民開帖討論「五天工作週錢少 VS 五天半工作週錢多」呢個話題，惹起激烈討論而結果竟然出奇地一面倒！

有八成網民都係揀五天工作週但錢少！
大多數人都揀五天工作週但錢少，因為佢哋都覺得Work-life Balance重要過錢，尤其係要有自己嘅私人時間去搵朋友食飯、玩、娛樂之類。另外，有好多網民都提出一點，就係嗰0.5日其實已經佔據咗成日嘅時間，因為打工仔要一早醒又要去等車，一來一回已經無咗一日嘅假期。

有部份網民回覆：「返5日都覺得多」、「寧願返6放2、好過返5.5放日半」、「一星期得7日，比咗5日公司已經好癲、冇事業心一定唔會揀呢啲」

點解會有人支持「五天半工作週但錢多」？
雖然係咁，但都有2成嘅人支持五天半，認為返半日多啲錢嘅話，時間係值得俾，至少可以多咗收入！網民提出「既然放假都無嘢做，倒不如返多半日工搵錢」！

「2皮5日 / 3皮5.5日，應該好多人揀後者」、「窮人時間唔值錢，有得選擇邊個唔想休息多啲」、「我有啲朋友唔介意返5.5日，因為可以下晝直接去行街」，以上嘅留言你又唔支唔支持？

唔應該只留意返工日子，最重要嘅始終係工時！
根據香港政府統計處嘅數據，香港平均每週工時為44.1小時，比好多國家同地區平均工時都要長。

其實唔少工作都只係將六日工時攤分成5日，實際大把人都係返五日半。

香港最長工時工種：
第1名：保安服務（60小時）
第2名：餐飲服務 - 中式酒樓菜館（57小時）
第3名：餐飲服務- 港式茶餐廳（55.4小時）
第4名：餐飲服務- 非中式酒樓菜館／地產保養管理服務（54小時）
第6名：餐飲服務- 快餐店（53.4小時）
第7名：零售- 超級市場及便利店／洗滌及乾洗服務（51.9小時）
第9名：其他餐飲服務（50.8小時）
第10名：建造業（48小時）

香港最短工時工種：
第1名：進出口貿易／資訊及通訊／金融及保險／專業、科學及技術活動（40.6小時）
最短工時第5名：教育及公共行政（不包括政府）（41.8小時）

你哋嘅工作又幾長工時？入嚟一齊分享吓！

文：Silver

標籤:

查看全部熱門話題