疫情持續緊張令不少打工仔對工作產生厭倦，紛紛選擇裸辭。事實上，當打工仔的工作壓力一旦超過臨界點，即會萌生裸辭的念頭，期望通過脫離工作環境，放下一切因工作而產生的責任和壓力。

有打工仔近日在Dcard工作討論區在發文表示，最近被工作搞到「個人都癲癲地」，原因是放假都要跟進公司工作，已經很久未有嘗試過真正放假滋味。事主眼見最近很多國家都開放旅遊，於是「心郁郁好想遞信，然後去半年旅行」，但其家人就覺得此舉任性，當中更包括著「CV上面有半年空窗期都唔好睇」的憂慮。

不少網友都支持事主裸辭的決定，指出裸辭絕非任性之舉，返工最重要的是返得開心，而且自己的人生應該由自己決定。「唔等錢使+銀行戶口又有半年以上生活資金咪辭+半年旅費，咁咪OK」、「你自己嘅人生係你嘅，裸辭去旅行只要係使自己錢我覺得無問題。」有網友儘管質疑半年旅行是否太長，但亦補充「我覺得冇經濟負擔的話，裸辭休息下係OK嘅」。

不少網友更提及不要小看壓力對身心健康的影響。「唔辭職如果真係搞壞身子或者心理健康咪仲衰。」有網友更因為不堪打工壓力，透露：「我就係咁，因為不堪壓力裸辭之後任性到呢幾年都冇返過FT，都係搵幾多使幾多。」

然後下次見工時，又如何解釋半年的職業空白期（空窗期）？一眾網友紛紛提出不同見解：

「只要CV正正常常，Gap半年你可以照直講係去咗旅行見識下外國文化、排解壓力之類。Interview skill好易解決，甚至你可以話去外國其實對自己新工有幫助，吹得好可能仲係加分位」、「我都休過半年，其實HR問嗰陣你解釋到嗰半年做過咩，對自己或者工作有咩成長就得。」有網友亦指出「講故事」的重要性，「要睇吓你邊行喎，有啲行業你咁樣搞法，會話你抗逆力低好難請你；你講話自己旅行去搞YouTube，咁就另一個故事。」