熱門話題
無父幹點算好？ 職場心理學家：想後生賺大錢 要靠呢樣嘢
刊登日期: 2022-07-28
財務分析師同職場心理學家Tom Corley曾經出過一本書去探討收入高嘅人同收入比較平庸嘅人，分析下有咩分別。佢發現嗰啲高收入人士有啲係比較識運用方法去賺錢，例如學識投資同埋計預算，從而去累積可觀而且更高嘅收入，而另部份人會運用比較傳統嘅智慧。尤其係啲會賺大錢嘅後生仔之間，傳統智慧顯然更加有用。
Corley曾經訪問唔少高收入人士，目的去探討佢哋點樣喺年青時就能夠靠白手興家成為富豪。你可能會驚訝，原來係學校有好嘅成績係唔會保證你有一個富有嘅將來。事實上，唔少白手興家嘅人係成績差嘅。係Corley訪問入面，原來只有兩成嘅受訪者係學校讀書時拎過A。Corley相信成績同賺錢成反比係因為受訪者有不屈精神，有自信心但係學業唔好嘅人通常會更有耐性。
成績同成功無必然關係
根據Corley所講，佢嘅受訪者多數係由貧窮嘅家庭或者中產，再慢慢發展成百萬富翁。兩者嘅出身都接近一半。
當你將發達同埋性格特徵扯上關係，你就會慢慢明白點解賺錢多寡同成績好係無必然關係。
另外，著名職場作家Rainer Zitelmann曾經訪問過一群百萬同億萬富翁，去了解佢哋有咩共通嘅性格特徵。根據研究，高收入人士大多數都願意嘗試一啲高風險嘅嘢，同傾向相信自己嘅直覺，同時大部份都會形容自己為非傳統及非主流。依種性格特質就係嗰啲係學校通常成績較差嘅學生會有，因為佢哋多數會做自己想做嘅嘢而唔係隨波逐流。
Zitelmann的研究亦發現高收入人士通常會用財富去確保自己得到自由同埋獨立性，係佢哋做學生同窮嘅時候做唔到。
總括嚟講，後生想要賺大錢，最緊要係相信自己直覺，同埋有耐性咁去做，唔一定要跟隨社會大眾想你做咩就做咩。
文：特雷弗
讀嘅係心理學，做嘅又係心理學嘅嘢，志願係唔再做心理學嘅嘢。
熱門空缺
