職場資訊
【網民熱話】公司籲員工勿出外食飯 打工仔不滿高層賴理照出街食Lunch
刊登日期: 2022-01-10
新冠肺炎Omicron變種病毒殺入本港社區，政府早前宣布食肆晚6朝5禁堂食。一名打工仔於網上討論區發文指，公司於上周五（7日）起在午飯及放工時間鎖上所有會議室及房間，要求員工留在座位用膳，避免外出吃飯。
該名打工仔於「香港討論區」發文，指平時如果要加班都會買外賣返回公司，在會議室開餐，偶爾也會與相熟同事一起吃飯。不過為響應政府禁堂食，公司於上周五（7日）起，決定鎖上會議室及房間，「Lunch Time（午飯時間）同放工時間公司閂晒啲會議室嘅門，大大小小嘅房都閂咗」，禁止員工一起吃飯。公司亦明言希望員工於午飯時間盡量留在自己的位置用餐，「唔好出去食」。
樓主透露，近日發現一眾高層「柴娃娃咁出去食飯」，令他大感不滿，批評公司雙重標準，「一邊叫人唔好出去食，一邊班高層又出去食飯，咁你話我哋會唔會睬你呀？」、「你自己都唔做好榜樣，仲想我哋做細嘅跟？」。
帖文引起熱論，有網民批評樓主的公司「講一套做一套」，「高層同高官貴人一樣，佢哋可以做，但唔代表你哋低層都可以」、「永遠都係高層講一套做一套㗎啦」；亦有人則指公司無規定不能出外用餐，「公司有無限制唔畀出去食lunch（午餐）？只係建議又無話唔畀，咁仲有乜好嘈？」、「你都可以出去㗎，唔建議咋嘛，又無禁你」。
熱門空缺
