熱門話題
【政府筍工】發展局招聘樹藝師見習生 無須工作經驗可申請
刊登日期: 2020-12-14
香港一到夏天就會有唔少風球吹襲，之前十級颱風「山竹」就令到香港唔少大樹倒冧。再加上由於香港嚴重唔夠合資格嘅樹藝師，所以唔少人批評香港樹木管理做得差，連累唔少樹木都無辜被斬。
有見及此，今次發展局就招聘緊樹藝師見習生，希望可以吸納新血，而今次嘅見習生係為期三年，雖則為見習職位，但月薪都有14,500元，若正式聘任時會有額外嘅津貼！
有咩入職條件？
今次入職只有三個條件：
- 為本港資歷架構第三至第五級的樹藝及樹木管理課程於2020年或以前畢業的畢業生
- 沒有由專業機構頒授的相關專業資格，如國際樹木學會的註冊樹藝師、註冊樹藝專業人士（公共設施）、註冊樹藝專業人士（都市）或學會認可樹藝師；英國樹木學會的技術會員、專業會員或院士會員；歐洲樹木委員會的樹木技術工人或樹木技術人員；澳洲國家樹木學會的一般會員（2010年12月31日前已發出）；澳洲樹藝的註冊樹藝師、註冊執業樹藝師、註冊顧問樹藝師或註冊執業及顧問樹藝師；香港園境師學會的認可樹藝師
- 香港特別行政區永久性居民
樹藝師見習師即係有咩做？
呢份工講到明係見習生就係希望大家做咗三年之後可以成為樹藝師，而呢三年就係要On-job Training，目標係令你成為合格嘅樹藝師。
所以你哋會被安排喺發展局綠化、園境及樹木管理組或樹木管理部門接受「城市林務發展基金–見習生計劃」下的在職訓練。
樹藝師究竟係做咩？
喺香港合資格嘅樹藝師大概只有千幾人，但係香港有成多達百萬棵樹，絶對供不應求，令到好多樹都無得到良好嘅處理同照顧。
而樹藝師就係「樹醫生」，要栽植、管理和研究單獨一株樹木，定期檢查樹嘅健康同價值，再提出改善改觀嘅辦法。所以樹藝師好多時都會喺室外工作，攀上攀落，算係勞動嘅工作！
（可參考VTC課程：https://occupation-dictionary.vtc.edu.hk/tc/occupation/arborists ）
條款
樹藝師見習生屬臨時職位，他們並非公務員，亦不會按公務員條款及條件聘用。在上述的聘用期滿後，亦不保證會獲得政府繼續聘用。
準備文件：
- 香港中學會考、香港高級程度會考、香港中學文憑考試及其他英文公開考試(如TOEFL, IELTS, GCE, GCSE, 香港特別行政區政府綜合招聘考試等)證書副本，以顯示其英文考試成績。招聘部門亦可要求申請人就其曾經應考的英文公開考試作出聲明；
- 所需學歷所需的所有考試的正式成績表副本；以及
- 相關的證書、文憑或學位課程證書副本（若已取得）。
有意申請者可於明年1月4日 23:59:00 前透過公務員事務局網站網上申請；申請人亦可把申請書連同所有學歷的正式證書副本寄送至香港添馬添美道二號政府總部西翼十六樓發展局工務科綠化、園境及樹木管理組（請於信封面註明申請職位）。申請表格可向各民政諮詢中心或各就業中心索取，亦可從上述網址下載。
職位詳情：https://bit.ly/2INqNjF
資料來源：公務員事務局
熱門空缺
