職場上，有好多唔同類型嘅上司同主管。有Friendly嘅、有Cool嘅，亦都有要求極高嘅。有啲人同上司會好啱傾，相處好融洽，但亦都有啲人同上司會水火不容。喺職場上人際關係喺十分重要嘅一環，而得到上司嘅欣賞同認同亦一定喺一件好事，但得到賞識並唔喺要對主管阿諛奉承。究竟點樣先可以成為上司主管欣賞嘅人才呢？

幫助主管
最後，大家應該喺工作上盡力配合你嘅上司，唔好同佢地對立。但並唔喺唔可以持不同嘅意見，而喺要識得喺有不同意見嘅時候，要作出主動嘅溝通同了解，協助上司尋找一個最好嘅解決方案。令佢覺得你喺佢值得信任嘅人，好自然你就會得到佢嘅賞識同幫助。

遵守職場倫理
雖然喺香港做野傳統倫理唔喺一樣好重要嘅野，但係始終上司都係上司。對一般同事我地可以相處得好似朋友咁，互信互諒。但對住上司同主管，最好都抱有一點尊敬，令佢地覺得自己有被尊重嘅感覺。當你可以做好自己位置應盡嘅任務同責任果時，你嘅上司就會自然覺得你識得應對進退。

努力付出，不問收穫
喺職場上最忌就係太計較付出同收穫嘅關係，全心全力力嘅付出唔單只可以令到你做嘅工作盡善盡美，得到上司嘅讚賞，更加可以俾自己快速累積經驗同成長。最後你嘅主管都會願意俾你更多嘅機會去一展你嘅所長。收穫到最後都一定會嚟到，正所謂一分耕耘，一分收穫。

無論你嘅目標喺咪想升職加薪，都需要視上司同主管為自己喺貴人。因為同佢地有良好嘅工作關係，無往而不利！