熱門話題
見工被面試官問到口啞啞？教你拆解棘手問題
刊登日期: 2020-09-07
唔少人見工嗰陣都會遇到一啲好難答嘅問題。今次筆者就抽咗5條出嚟同大家分析下， 究竟個面試官到底問緊乜啦：
1.「你嘅強項係邊？」
當你答依條問題嗰陣，你最好答得準確（分享你真實嘅強項，而唔係嗰啲你覺得個面試官會鍾意聽嘅嘢），答啲相關嘅嘢（揀一啲同你見緊嗰份工最適合嘅強項），同埋特定啲嘅（例如：唔好講「人際技巧」，而係講「游說技巧」同埋「客戶關係」）。咁你就可以再就依啲特定嘅技巧，講下點樣係你嘅專業環境到發揮出嚟啦。
2.「你覺得自己最弱係邊方面呢？」
當個面試官問到你依條問題——除咗係令你嘅危機感增加之外——其實係想睇下你嘅自我認識同埋誠實程度。所以「我試過miss咗一個deadline」唔係一個好嘅答案，「我覺得自己完美」亦到唔係一個可以講出口嘅答案。試下搵一個平衡，答一個你覺得難解決但自己又努力解決嘅問題。例如：你可以話自己唔叻public speaking，但你最緊嘗試迫自己試下係會議入面發言，去令自己更加有信心係一大班人面前講嘢。
3.「你遇過最大嘅挑戰係乜嘢？而你又係點解決嘅呢？」
問得依個問題，你嘅面試官就係想知道你點樣處理矛盾同埋衝突。任何人係見工嗰時都會表現到好nice同埋隨和嘅，但係如果你返工嗰陣有人得罪你呢？你試下回想自己以前遇過嘅情況，去集中諗下你應該點樣專業咁去處理個情況，去緩和同事之間嘅衝突，咁你就可以俾到人一個好嘅印象啦。
4.「你覺得五年之後自己會喺咩位置？」
如果你被人問到依個問題，你應該坦誠又詳細咁講下你嘅未來目標，但同時你又應該要諗下，面試官想知道嘅三樣嘢：
- 你對自己嘅事業前途有冇一個現實少少嘅期望
- 你有冇目標（即係話你應該係個面試之前就諗過依條問題）
- 你見緊嗰個職位係咪同你嘅目標同理想嘅職業發展相符
5.「你嘅夢想工作係咩呢？」
就好似上面嘅問題咁，面試官想知道你見緊嘅嗰個position係咪同你最終嘅事業目標一致嘅呢。當然，如果你亂答想打NBA嘅話，係可以令個面試氣氛輕鬆啲嘅，但最好就係講下你嘅目標同埋志願，同埋解釋埋依份工點樣令你離個目標更加之近。
睇完以上5條問題，學識點答個面試官，下次見工就唔洗驚到面青青啦。
當然以上問題只係冰山一角，最終都要考驗你有幾了解同知道如何表現自己，只要面試前花少許時間思考一下自己有邊啲優點可以令自己突圍而出，隨時可能有意外收穫。
資料來源：The Muse
熱門空缺
