熱門話題

【政府筍工】康文署月薪4萬聘傳訊主任管理Social Media

刊登日期: 2020-08-13

依家呢個環境一工難求,而市面上要搵高薪嘅工更加係難上加難,但最近康文署嘅新聞及公共關係組就請緊傳訊主任,幫佢哋管理Social media 呢啲工作。而人工就好吸引!每個月有成$40,405!但係要應徵呢份工作就要滿足以下呢五個要求先得!
 
1. 持有本港大學頒授嘅學士學位,或者具備同等學歷;如果你係主修傳理、新聞、公共關係、翻譯或相關學科嘅學歷更佳;
2. 曾經喺具規模機構做咗五年全職管理網頁、社交媒體及撰稿,包括運用流動應用程式,以及互動、數碼及/或社交媒體平台,從事企業傳訊、公共關係、廣告或社交媒體市場推廣的工作;
3. 香港中學文憑考試或者香港中學會考中國語文科及英國語文科達第3級或以上成績,或具備同等學歷;
4. 熟悉MS Word、Excel及PowerPoint等電腦軟件應用程式;如果識平面/媒體設計和編輯嘅經驗則更佳;
5. 能夠書寫流暢中英文和能操流利粵語及英語,以及具備良好的表達和人際溝通技巧。
 
咁究竟合約傳訊主任有咩要做?
合約傳訊主任主要負責以下呢幾項工作:
  • 新聞同埋宣傳工作,包括撰寫、編輯、翻譯宣傳資料。
  • 喺社交媒體同其他平台發布資訊。
  • 管理網頁,建立康樂及文化事務署嘅形象。
  • 推廣同宣傳署方嘅活動同計劃。
  • 督導約聘執行署方社交平台嘅公關公司,監督資訊發布同埋宣傳工作嘅表現,包括但不限於各種用於宣傳署方形象及推廣活動的宣傳品、宣傳短片等的設計、製作和質素。
  • 督導下屬協助執行以上工作。
  • 以及執行其他由上級指派的工作。
而如果真係請咗你嘅話,係有需要不定時同埋喺星期六、日或者公眾假期工作,大家要有定心理準備!
 
獲取錄的申請人通常會按非公務員試用條款受聘1年。雖然無公務員嘅附帶福利包括有薪假期、醫療及牙科診療。但係呢份工會有以下呢兩樣福利: 
 
1. 如果真係受聘後,一年可以有12日大假,同埋會有《僱傭條例》(香港法例第57 章)規定而又適用嘅休息日、公眾假期、產假/侍產假及疾病津貼。
 
2. 而喺12個月合約完結之後,會根據你嘅工作表現同行為而分返一筆滿酬金。而按照《強制性公積金計劃條例》(香港法例第485章)規定為受聘人向強制性公積金計劃所作的供款,會相等於合約期所得底薪總額的15%。
 
有興趣人士,可於2020年8月20日晚上23:59或之前,透過公務員事務局網站網上申請;申請人亦可把申請書連同所有學歷的正式證書副本寄送至香港新界沙田排頭街1至3號康樂及文化事務署總部17樓新聞及公共關係組(請於信封面註明申請職位)。申請表格可向各民政諮詢中心或各就業中心索取,亦可從上述網址下載。申請人如獲選參加能力傾向測試/面試,會在截止申請後約8-10個星期內收到email或郵寄通知,大家記住double check自己個email和地址冇填錯啊!
 
職位詳情:https://bit.ly/3itUulY
 
資料來源:公務員事務局


標籤:
公務員事務局
公務員
政府筍工
社交媒體
社交媒體
康文署
查看全部 熱門話題


你可能感興趣