就嚟放榜即係又有一班職場新人出嚟搵工，而依家呢個時勢要搵份好工都相當之困難。一來競爭大，二來大家嘅要求都高咗好多。而最近衛生署就請緊牙科手術助理員，無論人工同前途都相當吸引，而且呢份工無要求特別嘅學歷，只要你HKDSE有五科有2以上嘅成績就得！而人工對比起其它工都好吸引，一入薪就$17,675而最高可以升到$35,040,呢份工絕對一試！
 
有咩入職條件？
如果你想申請做牙科手術助理員只要具備以下呢兩個要求就得！

學歷	HKDSE（香港中學文憑考試）： 任何五科成績要有2或以上
	HKCEE（香港中學會考）： 喺HKCEE要有5科考獲2級以上成績。
語文能力	HKDSE（香港中學文憑考試）或者HKCEE（香港中學會考）中國語文及英國語文至少獲得2級或以上成績；可以用中文溝通。

 
雖然牙科手術助理員無特別嘅要求，但係如果你持有或者喺2021年拎到由香港菲臘牙科醫院頒發嘅「牙科手術助理員證書」或「牙科手術助理員文憑」，又或已通過由衞生署或前醫務衞生署舉辦嘅「牙科手術助理員試用考試」，咁你係會獲得優先嘅考慮！
 
牙科手術助理員有咩要做？
牙科手術助理員會負責以下呢兩樣職責：

• 喺牙科診所協助牙醫治理病人
• 喺牙科診所內負責消毒同供應牙科物料，並執行其他有關職務。

而喺工作時，係一定要著制服，而且有機會喺正常辦公時間外返工。
 
牙科手術助理員Career Path會係點？
牙科手術助理員只有高一級嘅高級牙科手術助理員。


 
而根據網上資料，牙科手術助理嘅入職競爭係164個人爭1個位，競爭都幾大，而晉升比例係20%，而現時全港牙科手術助理員有364人！
 
條款
獲取錄的申請人通常會按公務員試用條款受聘3年。通過試用關限後，或可獲考慮按當時適用的長期聘用條款聘用。
 
附帶福利包括有薪假期、醫療及牙科診療。在適當情況下，公務員更可獲得房屋資助。
 
有興趣人士，可於2020年7月9日晚上11:59或之前，透過公務員事務局網站網上申請；申請人亦可把申請書連同所有學歷的正式證書副本寄送至 香港灣仔皇后大道東213號胡忠大廈18樓1807室衞生署聘任組（請於信封面註明申請職位）。申請表格可向各民政諮詢中心或各就業中心索取，亦可從上述網址下載。申請人如獲選參加能力傾向測試/面試，會在截止申請後約8-12個星期內收到email或郵寄通知，大家記住double check自己個email和地址冇填錯啊！
 
職位詳情：https://bit.ly/2ABDo5g
 
資料來源：公務員事務局