熱門話題

【政府筍工】康樂及文化事務署請博物館見習員月薪逾萬八 主修藝術優先

刊登日期: 2020-06-01

之前就同大家推介過二級助理館長(藝術工作類別)嘅筍工,雖然嗰份已經過咗Deadline,無得再申請。但係最近康樂及文化事務署就招聘緊另一個類似嘅空缺 - 博物館見習員(藝術)。雖然今次嘅招聘無之前嗰份咁筍,但就好適合啱啱讀完藝術嘅Fresh Grad申請,因為呢份工都係要求申請者係讀過藝術呢啲科!
 
讀咩科先可以申請?
因為博物館見習員(藝術)要成日接觸文物,所以今次都要求申請者有以下嘅學位!
學歷申請者一定要有香港任何一間大學頒發嘅學士學位,仲要係主修以下其中一科:
  • 美術
  • 視覺藝術
  • 藝術史
  • 美術教育
  • 設計
  • 創意媒體
  • 博物館學
  • 展覽策劃
語文能力
  • 綜合招聘考試嘅英文運用試卷中要有「二級」成績;
  • 中文運用試卷中取得「一級」成績
 
無考綜合招聘考試,有無其它方法取代?
如果你滿足到第一項要求,但之前無考過政府嘅綜合招聘試,放心你仲有其他嘢可以代替。
 
  1. HKDSE中國語文科第4級成績;
  2. 香港高級程度會考中國語文及文化、中國語言文學或中國語文科D級的成績。

    只要你得到以上其中一個成績會獲接納為等同綜合招聘考試中文運用試卷的一級成績。
  1. 香港中學文憑考試英國語文科第5級或以上成績;
  2. 香港高級程度會考英語運用科C級或以上成績;
  3. General Certificate of Education (Advanced Level) (GCE A Level) English Language科C級或以上成績,
  4. International English Language Testing System (IELTS) 學術模式整體分級取得6.5或以上,並在同一次考試中各項個別分級取得不低於6的成績的人士。

    而英文只要達到以上其中一個成績就會獲接納為等同綜合招聘考試英文運用試卷的二級成績。
 
博物館見習員(藝術)平時有咩要做?
如果真係請咗你嘅話,你要接受以下呢幾樣項On-Job Training:
  1. 場地管理
  2. 藏品管理
  3. 節目策劃(包括展覽及教育活動)
而喺合約期間,一般情況下每個星期要返44個鐘,有機會要不定時或者Weekend工作。
 
博物館見習員(藝術)喺邊返工?
受聘人會喺康文署轄下的指定博物館及辦事處返工!即係以下呢7間博物館:
  1. 香港藝術館(尖沙咀梳士巴利道10號)
  2. 香港歷史博物館(尖沙咀漆咸道南100號)
  3. 香港海防博物館(筲箕灣東喜道175號)
  4. 香港科學館(尖東科學館道2號)
  5. 香港太空館(尖沙咀梳士巴利道10號)
  6. 香港文化博物館(沙田文林路1號)
  7. 孫中山紀念館(半山區衛城道7號HK 香港島 中環)
 
人工同條款
但大家要留意返合約期間(24個月)嘅人工都係不變,只有18,325元。而獲取錄的申請人通常會按非公務員試用條款受聘24個月。
 
非公務員唔係公務員編制內,所以係唔會有公務員嘅福利,亦都唔會有調派、晉升或轉職至公務員職位的資格。
 
如果你做過以嘅工或者做過都唔可以再申請!
今次嘅招聘有樣特別嘅地方要留意返!就係如果你做過或者依家做緊以下嘅工作都唔會考慮!
 
(i) 康文署非公務員合約見習員:包括藝術行政見習員、博物館見習員、舞台管理見習員及公共關係/藝術推廣見習員;
(ii) 康文署場地伙伴和香港藝術節協會的藝術行政見習員;
(iii) 由藝術機構根據香港藝術發展局(藝發局)培訓計劃:包括「藝術行政人員實習計劃」、「藝發局藝術行政人才培育計劃」和「藝術製作人員實習計劃」培訓的本地實習人員;
 
有興趣人士,可於2020年6月5日,晚上18:00或之前,透過公務員事務局網站網上申請;申請人亦可把申請書連同所有學歷的正式證書副本寄送至新界沙田排頭街1至3號康樂及文化事務署14樓文博事務組(請於信封面註明申請職位)。申請表格可向各民政諮詢中心或各就業中心索取,亦可從上述網址下載。申請人如獲選參加能力傾向測試/面試,會在截止申請後約9個星期內收到email或郵寄通知,大家記住double check自己個email和地址冇填錯啊!
 
職位詳情:https://bit.ly/2zR8Lbz
 
資料來源:公務員事務局


標籤:
公務員事務局
公務員
政府筍工
博物館見習員
康樂及文化事務署
查看全部 熱門話題


你可能感興趣