熱門話題
【政府筍工】學生資助處請行政助理月薪逾2萬7 一年工作經驗可申請
刊登日期: 2020-05-29
依家啲後生仔都唔會好似以前咁長時間留喺同一間公司度做嘢，大部分都會做一、兩年嘢就轉工，增加自己嘅Bargain Power。如果你覺得自己都係呢種性格嘅打工仔，咁跟住落嚟嘅呢份工就好適合你！
依家在職家庭及學生資助事務處請緊合約期為期12個月嘅行政助理，而人工仲要相當不俗，月薪有27,235蚊！入職條件仲要輕鬆就做到！
有咩入職條件？
申請人一定要付合以下要求，仲要提供相關證明文件！
(1) 持有本港大學學士學位或同等學歷；
(2) 於取得上述學歷後有最少一年全職工作經驗，並在政府部門／公營機構有工作經驗佔優；
(3) 精通中文及英語，並在綜合招聘考試兩張語文試卷（中文運用及英文運用）中取得「二級」成績或具備同等成績；
(4) 具備良好電腦應用知識；
(5) 擁有良好的溝通技巧和獨立解決問題的能力。
在職家庭及學生資助事務處行政助理有啲咩要做？
- 協助處理資助計劃的申請及向合資格申請人發放資助，及處理相關計劃的行政及宣傳工作；
- 協助匯編統計報告及更新與資助計劃相關的文件；
- 執行覆檢及相關工作，以及準備報告；
- 就辦公室行政提供行政支援，及督導文職人員的工作；
- 處理公眾的查詢和投訴；
- 處理由上級指派的其他工作。
獲取錄的申請人通常會按非公務員試用條款受聘1年。雖然無公務員嘅附帶福利包括有薪假期、醫療及牙科診療。但係呢份工會有以下呢兩樣福利：
1. 如果真係受聘後，一年可以有12日大假，同埋會有《僱傭條例》（香港法例第57 章）規定而又適用嘅休息日、公眾假期、產假／侍產假及疾病津貼。
2. 而喺12個月合約完結之後，會根據你嘅工作表現同行為而分返一筆滿酬金。而按照《強制性公積金計劃條例》（香港法例第485章）規定為受聘人向強制性公積金計劃所作的供款，會相等於合約期所得底薪總額的10%。
有興趣人士，可於2020年6月4日，晚上18:00或之前，透過公務員事務局網站網上申請；申請人亦可把申請書連同所有學歷的正式證書副本寄送至九龍長沙灣道303號長沙灣政府合署十二樓，學生資助處行政組人事部（請於信封面註明申請職位）。申請表格可向各民政諮詢中心或各就業中心索取，亦可從上述網址下載。申請人如獲選參加能力傾向測試/面試，會在截止申請後約10個星期內收到email或郵寄通知，大家記住double check自己個email和地址冇填錯啊！
職位詳情：https://bit.ly/36ENKgi
資料來源：公務員事務局
熱門空缺
