熱門話題
【政府筍工】教育局聘幼稚園外間觀察員 返三日工賺萬8
刊登日期: 2020-04-23
嚟到四月又差唔多係一班學生哥出嚟求職嘅季節，但係喺疫情下，要搵份正職比起之前難咗好多！而4，5月更加係教育界嘅求職黃金期，仲未搵到工嘅你又想有啲收入嘅話就可以嚟睇吓呢份世紀筍工！
依家教育局請緊外間觀察員(幼稚園)，而薪酬係非常可觀！因為如果返2.5日質素評核就已經會有$7,682.5而返3.5日質素評核就已經會有$10,755.5！如果一日返十個鐘，計返時薪高達300蚊！雖然佢最多只可以返3.5日，但呢個金額已經係相當吸引！
筍工要求當然都會高啲，所以如果大家想申請就睇吓之下條件：
- 要有香港所頒授的學士學位，而係幼兒教育、心理學或者教育學位者優先
- 持有香港專上教育機構所頒授的教育證書
- 至少要有10年幼兒教育的學校視學／教學／教育行政工作經驗及／或喺專上教育機構有任教幼兒教育的教學經驗
- 具備要有5年擔任管理及／或督導職級的工作經驗
- 由2020年9月1日起，申請人唔可以喺教育界別服務過
- 曾經喺幼兒教育界別涉獵不同範疇同性質工作者優先
- 持有有關幼兒教育學士學位以上學歷者優先
- 能以中文與人有效溝通
- 處事盡責、積極主動和對工作有熱誠
- 須品格良好
大家可以睇到，其實入面最難做到嘅係經驗，至少要有10經驗先可以申請到呢份工作！而有幼兒教育文憑嘅人會更加易得到呢份工作！大家要留意返呢樣嘢！
外間觀察員要做啲咩？！
- 出席外間觀察員(幼稚園)簡介會
- 參與整個質素評核過程(為期2.5天至3.5天)，期間須觀察學校嘅「學與教」表現，包括呢啲活動
- 評核隊伍一起觀察兒童活動
- 閱覽課程文件及學校報告
- 觀察員身份出席由評核隊伍主持的兒童訪談
- 觀察員身份出席在校內進行的評核隊伍會議
- 評核隊伍完成口頭匯報後，就教師教學技巧和環境設置與學校作經驗分享
- 就質素評核機制提供回饋
- 同教育局評核隊伍進行專業交流
以上就係外間觀察員嘅主要職責，可以睇到主要係去了解學校嘅情況，從而改善學校表現。而教育局亦都有提到喺質素評核內加入外間觀察員，最主要係想提升質素評核嘅透明度。外間觀察員會參與部分質素評核探訪，但不會評核學校的表現。
特別留意事項！
有三樣要特別留意返！
第一，外間觀察員嘅實際工作時間要由返教育局按住工作情況安排，即係有可能返幾個鐘就會收工。
第二，今次呢份工只係會請學士學位資歷嘅人，即係乎合本地資歷架構第5級別，如果大家想知自己合唔合規格，可以上資歷架構網站(www.hkqf.gov.hk)或致電3793 3955查詢。
第三，今次嘅錄用者會用非公務員合約條件去請，而如果太多人申請就會安排考試或者面試。
有興趣人士，可於2020年5月8日或之前，透過公務員事務局網站網上申請；申請人亦可把申請書連同所有學歷和電腦軟件課程的正式證書副本寄送至香港灣仔皇后大道東213號胡忠大廈12樓1216室 教育局幼稚園教育分部幼稚園視學組（請於信封面註明申請職位）。申請表格可向各民政諮詢中心或各就業中心索取，亦可從上述網址下載。
而如果有機會面試嘅申請人就會喺2020年6月15日前收到通知！大家記得要Check清楚！
職位詳情：https://bit.ly/2XrN5uv
資料來源：公務員事務局
熱門空缺
