熱門話題

經歷緊事業低潮?4大方法幫你東山再起

刊登日期: 2020-04-02

好多有關職場嘅網站文章都會話你知成功——無論係商業定係你嘅專業入面——通常係經過失敗,仲要係好多、好多失敗。咁面對依啲事業低潮或者樽頸位嘅時候,到底做咩好呢?不妨睇下以下4個建議,睇下幫唔幫到你啊:

幫助他人
望下你嘅身邊,唔少係世界上面新成立而且出名嘅大公司,都係集中於為一般人日常生活面對嘅問題,提供緊一個唔錯嘅解決辦法,好似Uber係解決緊啲人call唔到的士嘅問題,而Netflix就係令到90後唔需要再去租帶鋪到租碟同帶嚟睇,慳翻唔少時間。你唔需要解決全球糧食危機:你只需要係你嘅日常工作之中,解決到公司,尤其係你老細嘅問題,就可以啦。集中係自己想要嘅嘢上面係一般人都會做到嘅嘢,但係focus係想要幫助嘅人(可以係客戶或者同事之類)身上面變相就可以令你更加突出到自己。真誠咁幫助其他人,同時可以打開更多機會大門。

認清自身價值觀
人生總有高低起伏。唔少人遇到低潮期嗰陣都會諗自己以前做嘅嘢、付出過嘅嘢究竟係咪啱嘅呢?每當聽到心入面浮出咗一把咁樣嘅聲音嘅時候,不妨試上肯定翻以前做過嘅決定背後嘅諗法,試下追溯翻當初相信嘅嘢。搵翻你做決定嗰陣時嘅價值觀,咁樣可以鼓勵翻自己去面對低潮期遇到嘅難題,再支持自己去做決定。

放低自我
唔少人都會因為佢哋嘅工作未達到佢哋心目中嘅水準、或者係驚做錯決定而遲遲唔去交貨。追求完美主義人人都試過,而依種對唔完美嘅恐懼源自於你嘅自我——驚犯錯同埋俾人當傻仔——但當你花太多時間同心力去保護自我,你就會無咁多心機去去推動自己從失敗之中學習同休養。了解自我會成為你前進嘅一個障礙。然之後放低你嘅自我,咁你就可以面對自己嘅錯處同埋缺點啦。要好好記住:人哋係唔會重視你嘅自我架,只會重視有咩利益俾到佢哋,所以回歸翻第一點,諗下自己可以點幫助人。
 
找出可能性並作出改變
唔少無自信心嘅人可能會成日同周邊嘅人講「唔得」、「咁樣做唔到喎」、「無可能咁樣做」,但其實當你識得去享受尋找方法去突破規則、打破常規同埋做一啲唔可能做到嘅嘢嗰陣,可能會係箇中搵到樂趣,更加鼓勵到你去突破樽頸位。依個就係你付予自己嘅能力。當你成日只係講俾自己聽啲嘢無可能做到、或者你做唔到某啲嘢嘅話,你就會開始相信。而依啲自我限制嘅信念係可以改變嘅。當下次你發現自己再有想講「唔可能」嘅時候,問下你自己:係咪真係做唔到?試下做下——或者你會俾到自己驚喜。

睇完以上4點,試下激勵翻自己東山再起。一日嘅失敗唔等於一世、整個人生嘅失敗,學習去點做好啲,就可以令自己進步啦。
 
資料來源:Business Insider


標籤:
職場
事業低潮
東山再起
職場貼士
查看全部 熱門話題


你可能感興趣