熱門話題

想創業但又怕無收入?教你做個打工創業家

刊登日期: 2020-03-19

何謂打工創業家?
係好多唔同嘅方面,所謂嘅「打工創業家」即係一個係公司入面嘅創業家,亦即係具有創業精神嘅員工啦。

所謂嘅「創業精神」係指想要創造新嘅服務或者產品嘅動力。憑著依種創業精神,佢哋可以發展出創新嘅idea、諗一啲未有人做過嘅嘢、同埋針對著普遍嘅問題去提供新穎嘅解決方法。佢哋會將個人投資係一啲有意義嘅成果上面。

換言之打工創業家就係會自由無限制咁諗解決方法,並且熱衷於尋找完成任務嘅新方法。嗰分別在於,佢哋唔係單獨出嚟做,而係喺間公司入面發揮依種精神。
 
打工創業家有咩特質?
打工創業家視佢哋自己份工作為自己嘅一個生意。佢哋對於自己嘅職位嘅熱情會令佢哋係一眾只為打份工嘅員工更為突出——佢哋總會諗到新嘅方法去應付挑戰。以下就係佢哋嘅一啲特質啦:
 
忠於自我
一個打工創業家嘅最大特點就係佢哋十分謙虛而且真誠,無論係喺會議、email定係對話之中,佢哋都會好叻去建立信任、而且係公司入面受到唔同人嘅尊敬同埋喜愛。

願意同人合作
有冇見過一啲人係可以即刻打個電話去叫人幫自己手或者問一啲資,然後可以即刻得到一個回應?依啲就係打工創業家可以做到嘅嘢。佢哋係建立人際關係嘅能手、永遠唔會缺乏幫到自己手嘅人——因為當人哋要幫手嘅時候,佢哋都會做翻同樣嘅嘢。

有自信
去表達一啲有創意嘅idea或者主動去開始一個project係需要一定嘅自信。打工創業家係一個敢於挑戰嘅人,佢哋相信自己嘅行動,而且唔怕去試唔同嘅嘢,亦都願意從錯誤之中學習。
 
點解打工創業家對公司嚟講咁重要呢?
一間公司最優勝嘅地方就係有一班重視自己做緊嘅嘢嘅員工。嗰啲覺得自己有天份同貢獻嘅員工會做嘢做得醒啲,對自己份工有更大嘅滿足感,同埋會為工作提出更好嘅意見——依啲都會令到公司嘅服務同產品質素提高嘅。

有啲人可能會驚,若果俾員工太大自由度嘅話只會令到佢哋更用心咁去搞副業。但就算真係咁,都無任何唔妥架,只係當中無利衝突就可以啦。
 
咁到底點先可以成為一個打工創業家?
睇緊依篇文章嘅你可能諗緊點樣發展你嘅事業:打工創業家嘅創業精神可以係你嘅自家品牌同埋成功嘅來源嚟架。當然,你嘅idea可以幫助到公司發展,但係仲有咩其他地方可以幫到自己呢?就係去你嘅履歷又或者係portfolio到啦。作為一個打工創業家,你嘅經驗係你自己學到嘅技巧息息相關,即係源自你自身嘅嘢,唔關你份工事嘅。所以睇下技巧,學做一個打工創業家啦:

主動
唔好等人哋提供方向俾你,學識凡事由自己主動爭取,例如send email、跟進啲討論,同埋主動要求開會傾自己諗到嘅問題等等。

快速適應轉變
預期之外嘅情況總會發生,而你要隨時放低手頭上嘅嘢即刻解決嗰個問題。令自己彈性啲,擁抱轉變,同埋專注係你嘅優次上面。

問問題
係做決定之前搵得越多資料越好,問多啲開放式問題,諗多啲「點解」、「點樣」之類嘅問題。咁你令到你更快更醒目咁做出決定。

學識以上幾次,學做一個打工創業家,成為對公司更重要嘅人之外,令自己繼續進步啦。
 
資料來源:The Muse


標籤:
打工創業家
創業
人際關係
查看全部 熱門話題


你可能感興趣