熱門話題

被人炒唔駛失信心 4招幫你重返職場

刊登日期: 2020-02-14

第一次被炒覺得好傷心?其實被人炒同分手一樣,開頭梗係會傷心啲架啦。但係,係邊到跌到就要係邊到企翻起身,快啲嚟睇下以下依4步:
 
1. 唔需要覺得羞恥
你初入職做緊小薯,其實你做緊嗰個位通常唔會犯咗啲咩大錯,會搞到你被人炒嘅,最差嘅都應該係公司要縮少規模、開㳅節流嘅啫。咁樣諗就大大咁幫到你啦。唔少人都會覺得你被人炒只係天時地利上面嘅唔好彩嘅啫。

當然,如果你被人炒係因為同其他同事唔夾、被人杯葛、或者真係做嘢太差嘅話,你要解釋就可能要化多啲精力啦。但即使咁樣,你都唔樣被人標籤為一個差嘅員工。就好似拍拖咁:初戀唔一定好架。

被人炒覺得自卑好正常,但你要明白無人會記係心裡面。當然,你可以唔開心,但唔開心一陣就好啦,仲有大把嘢等著你做架。

2. 回歸現實
如果你係因為架構重組而被人炒,你可能會獲得一份賠償金。但係其他情況下,你都唔會得到賠償金咁嘅。好好問清楚你嘅HR或者係financial department嗰邊嘅同事,睇下有冇一啲補償,或者一個月通知金嗰啲,你要拎翻嘅。傷心還傷心嘅,拎翻你自己應得嘅嘢。即使你得唔到賠償嘅話,你仲有好多嘢可以做架。

3. 準備故事
當你身邊嘅人聽到你俾人炒之後,可能都會WhatsApp,或者打俾你,「關心」你,或者真係關心你。逐個逐個應,可能會答到炆,答到燥。依個時候,你就應該準備好一個簡單嘅解釋,可以解決到人哋對你嘅質疑之外,仲有可能幫你搵定下個connection。

你可以試下用以下嘅版本:
如果你係因為公司架構重組或者被人遺散嘅話:「我係因為公司做唔住,要縮細規模,先至被人裁減出嚟。係唔好彩嘅,但我之後希望可以做到另一樣嘢(咁就可以講下你想做咩啦)。」
 
如果你係被人炒:「間公司唔啱我。但係,我嚟緊會係另一方面(咁就可以講下你想做咩啦)試下行另一條路。」

你唔識將被人炒嘅經歷講得太過深入。你想身邊嘅人都記得你嘅下一步,等佢哋可以幫你行到去嗰到,而唔係糾纏喺啲過去嘅嘢上面。你可以係將來嘅見工時間提翻依個故事,所以最好襯依家練習下啦。

無論你依家幾嬲都好,都唔好講你舊老細嘅壞話。世界好細,無人會想請一個長舌婦。

4. 執靚份CV
唔好諗太多,記掛著你上一份工。反而,你應該要執靚你份CV,保持你份CV係個戰鬥狀態。當你嘅network入面有人問你份CV係點樣,或者係見到有份工你想試下apply嗰陣,咁你就可以隨時有準備啦。你可能係上一份工到學到好多嘢,你要練習定點樣將你學到嘅技能、學識用嘅軟件同埋寫咗係CV上面嘅project表達出嚟。

唔好再諗住上一份工啦。少年們,快啲企翻起身,向前出發啦。
 
資料來源:The Muse


標籤:
CV
架構重組
被炒
裁員
查看全部 熱門話題


你可能感興趣