熱門話題

牛奶就飲得多 你知唔知「牛奶」同「牛奶飲品」好大分別?

刊登日期: 2020-02-03

牛奶係好多打工仔嘅朝早恩物,無時間食早餐都會飲盒牛奶就當一餐,再加上牛奶入面含有好多營養價值,就好似蛋白質同鈣咁。但唔知你哋買牛奶嘅時候有無見到一啲盒裝寫住嘅並唔係「牛奶」而係「牛奶飲品」。究竟我哋平時買嗰啲係真咪真係牛奶?

消委會近排做咗個檢驗市面買到嘅牛奶飲品樣本,發現入面有部分飲品只係「牛奶飲品」唔係真正嘅牛奶!

牛奶 VS 牛奶飲品

(鮮牛奶)

(牛奶飲品)


牛奶唔少人由細飲到大,但究竟點先為至係牛奶呢?消委會指出根據依家嘅法例,「牛奶」包括離脂奶同忌廉,奶脂一定唔可以不少過3.25%,亦都唔可以少過8.5%嘅奶類固體。

而「牛奶飲品」係指將啲啲流質奶脂同牛奶衍生嘅其它固體合成嘅「飲品」!所以包裝寫住嘅「牛奶飲品」嘅話,咁就證明佢唔係牛奶,兩樣嘢係唔同㗎!

點先算係新鮮嘅牛奶?「巴士德消毒 Pasteurized」同「超高溫處理 UHT Processed」有咩分別?


 
所有嘅奶類製品都好易變壞,所以買之前一定要睇下包裝上面嘅生產同食用日期!

而依家所有嘅牛奶同牛奶飲品都會用「巴士德消毒法」或者「超高溫UHT消毒法」消毒。兩個最大嘅分別就係「巴士德消毒法」用嘅殺菌溫度比較低,消毒之後都仲會有少量細菌,但唔會有明顯嘅營養流失,保質期大約係2到3星期。

而「超高溫UHT消毒法」就係用高溫消毒,保質期可以有6到12個月,但高溫會令到牛奶有化學作用,改變佢本身嘅味道同流失營養。所以如果你係買嚟沖咖啡,可以揀經超高溫處理嘅牛奶產品,因為佢耐熱程度高,唔容易影響味道同入面嘅當中營養價值!

飲牛奶定飲奶粉好啲?
對好多人嚟講都唔知飲牛奶定奶粉更加好。消委會就指出奶粉係將牛奶由液體轉換成固體,喺加熱時有一啲水溶性維他命會較容易被破壞但通常生產商都會加啲添加營養,所以兩者都係差不多!大家都可以放心選擇!

文:阿飛


標籤:
牛奶
超高溫UHT消毒法
巴士德消毒法
牛奶飲品
查看全部 熱門話題


你可能感興趣