熱門話題

全城抗疫懶人包!9招保護自己同保障利益

刊登日期: 2020-01-31

Covid19殺到嚟,加上天氣轉凍,令到我哋更加容易患病。新年過後,好多打工仔都唔駛返工,或者HomeOffice就算,但係今次新型肺炎傳染咁強,只係接觸到都可能會感染到,人人自危,究竟我哋可以做啲咩去保護自己?
 
喺呢度整合咗9招防疫Tips,等大家可以參考下!
 
1. 點先係合適嘅口罩?
依家市面好多口罩都會話自己經過咩測試,但消委會就提醒大家。最主要要睇嘅標準可以係以下呢三款,分別係符合美國材料和試驗協會(American Society for Testing and Materials,簡稱ASTM)標準F2100-11 ,歐洲標準 EN14683或 台灣標準CNS 14774。呢三款係可以參考嘅合適口罩嘅標準,但由於口罩篇幅太多,大家可以睇下另一篇文章以作參考。
 
而前排成日見到海綿口罩係阻唔到細菌,所以大家都係用返外科口罩就最好!

 
2. 戴口罩有咩要注意嘅地方?
好多時如果我哋戴口罩戴得唔好,其實會令到功用減半!所以學識戴口罩呢個看似簡單但亦都需要技巧。
 
首先戴口罩前一定要用先洗手,或者用酒清搓手液洗手,確保雙手乾淨!然後,先將有顏色嗰面嘅向外,金屬嘅一邊向上。不時唔好成日掂嗰口罩因為會令到細菌轉移到手度。
 
去到除罩嘅時候,可以剩係拎住耳環除,唔好掂到口罩面!除咗之後唔駛搵嘢包住,但要扔到有蓋嘅垃圾埇,然後洗手!記得戴前戴後都要洗手!
 
3. 洗手唔係咁簡單?
洗手細細個就教過,但好多人都唔知會跟足,但非常時期就要做!
 
濕手之後用洗水液塗沬雙手,最少搓20秒!即係唱兩首生日歌嘅時間。再用清水沖乾淨,但除咗洗手掌同手背之外,大家都要留意返手指公、手碗、指甲縫呢啲好少留意嘅地方。
 
呢段係消委會教手點洗手嘅片段,大家可以入去睇!https://www.facebook.com/watch/?v=597783230953989
 
4. 應該點用漂白水做清潔?
大家一定要定期清潔屋屋嘅傢私,尤其係新年期間,咁多人拜年!浴室同地板最好每天用稀釋咗嘅漂白水清潔,唔係金屬表面嘅嘢可以用1份漂白水同99份清水混和,但如果係金屬表面就可以用70%酒精清潔消毒。
 
唔好以為用咗漂白水就得喎,記得要用返清水用清潔同抺乾!而平時垃圾都應該包好先再放入去有蓋嘅垃圾桶,垃圾桶至少每日清理一次,定期用1比49稀釋漂白水消毒。
 
5. 空氣清新機係咪用?
好多人都想買部空氣清新機去淨化屋企空氣,但消委會以往嘅報告都只係指出空氣清新機只可以除煙霧、塵埃、花粉及甲醛。依家市面上聲稱可以通過濾網直接殺滅細菌病毒,成效係咪真就無人知。大家要留意返!
 
6. 如果真係中招?自願醫保包唔包?
如果你買咗自願醫保,又不幸中招嘅話。不論你去公立定私家醫院都會有保障,部分靈活計劃仲會提供額外「隔離病房費」保障,保障因為入住隔離病房導致超出基本保障中「病房及膳食」保障嘅費用!如果大家有買就可以留意返!
 
7. 喺旅行期間中招,旅行保險又包唔包?
如果你嘅地方已經宣布係疫區或疫埠,或者香港對當地發出外遊警示,咁樣即使你買咗旅遊保,保險公司都唔一定會對你作出賠償。所以投保前一定要留意保單內容同條款,更加係關於受保原因同傳染病嘅定義。
 
亦有啲保單係可以索償「住院現金津貼」或「隔離現金津貼」其中一項。但呢個時候最好都唔好周圍去,返到嚟都要自我隔離十四日!
 
8. 如果外遊時中招,返到香港又可以點索償?
旅程期間如果不幸確診病症,旅遊保險一般會根返條款提供海外住院、門診、住院及手術保障。但就一定要保留當地所有收據、證明文件同醫療報告,作日後索償。睇返唔同計劃內容,部分旅保嘅「醫療費用」保障包括返到嚟香港嘅跟進治療同覆診嘅醫療開支。
 
9.遊保入面嘅全球支援服務幫唔幫到手?
旅保通常都會有全球緊急支援服務,提供即時協助,包括醫療指導、緊急醫療運送及治療後轉返原居地、遺體運返原居地等。但要留意返呢類嘅緊急服務一定要喺係危急情況用,好似生命受到威脅咁,如果唔係一切費用都要由返自己承擔。

文:阿飛


標籤:
口罩
全城抗疫懶人包
消委會
自願醫保
旅遊保
Covid19
查看全部 熱門話題


你可能感興趣