熱門話題
遣散同被人炒有咩分別 點同HR解釋好？
刊登日期: 2020-01-14
遣散嘅意思即係講緊你無咗份工啫，但係你無做錯到！一個員工被人遣散通常係指佢翻緊嘅嗰個職位已經唔再需要存在。有可能係因為間公司要縮細規模開源節流，又或者係進行架構重組，同人合併或者被人收購咗，無咗出糧俾個員工嘅grant或者funding，更甚至只係配合生意同行業嘅轉變。嗰個被遣散嘅職位可能仲有啲嘢要做，而佢嘅職責就會分咗俾第二啲同事去跟進，但係又唔足而多到話要開翻另一個職位，或者保留原有職位嗰個人喎。
被人炒就唔同啦，被人炒通常係關某位特定嘅人同佢嘅工作表現事嘅。啲嘢仍然都係要做，個職位仍然都喺係到，而且需要對間公司仍然有價值。但係坐緊嗰個位嘅人就滿足唔到嗰個職位嘅要求啦。通常嚟講，被人炒都係因為自己做得差，或者係違反咗一啲公司規例，又或者係滿足唔到老細嘅要求。如果你係一位自僱人仕，被人炒可以係因為任何原因（例如被人歧視之類咁），又或者係莫須有。
你應該可以分到你係被人炒定係被人遣散嘅，無論係收到信封嗰陣，又或者係同事收風嗰陣，或多或少你收到通知之前已經略懂一二。例如，如果你係俾人遣散嘅話，你應該事先已經知道會有大批裁員，又或者係你部門嘅位越cut越少，又或者係同其他部門合併咗咁樣。如果你係被人炒嘅話，你應該事前已經被人照肺，話你做嘢做得差，做得唔好，被人投訴之類咁。如果係咁，你可能已經收過警告信之類，就算被人炒你都應該係預咗嘅。
遣散同被人炒對未來搵工有咩咁重要？
無論你係遣散定被人炒都好，當你份CV上面有一個空檔嘅話，你就要準備好點樣同個HR解釋，因為無論你鍾唔鍾意都好，係未來嘅面試入面你總喺會被問到相關問題嘅。
好彩嘅係，今時今日被人遣散唔會再似以前咁難解釋。因為經濟大衰退嘅關係，唔少有實力有經驗嘅專業人仕都被一啲有營運困難嘅公司炒咗。遣散潮周圍都發生緊。世界同職場一樣總係流動嘅。唔少公司會合併，裁員，開源節流。如果你被遺散，誠實咁講到個原因出嚟，跟住move on。
但係被人炒就同啦，完全係另一個故事。或者你會想隱暪自己係被人炒，但唔該你壓止住自己想講大話嘅欲望啦。因為世界好細，你永遠都唔會知道邊個識邊個。一旦你講咗大話，但係人哋HR做咗background check發現你誠信有問題個陣，咁你得到下一份工嘅機會就會變少。坦誠你變人炒嘅原因，然後話俾人知你學到啲乜嘢，會點改善，點樣應用到係下一份工入面。咁至少個HR可能會欣賞你嘅真誠啦。
資料來源：The Muse
熱門空缺
