近來唔少家庭移民到海外發展，而搬屋本身就己經係一件好麻煩嘅事，依家要搬到海外更加煩上加煩。而要搬嘢到海外，唔少人都會請物流公司幫手，但你知唔知有咩嘢需要留意？又有咩常見嘅陷阱要避開？
 
最近，消委會就查詢咗15間物流公司，主要關於將傢私等由香港運到英國倫敦同多倫多嘅船期、運送安排同收費詳情，結果發現運費同運送時間差異大！



1. 報價差異大！
以運送物品到倫敦為例，10間按顧客要求報價的物流商，運送220立方英呎貨物的運費報價，由「Alied」嘅2萬至「Nippon Express」5萬港元不等，相差2.5倍！
 
對比11間物流商運送500立方英呎貨物到往多倫多，報價由「Vanpac」嘅約5萬1千至「Santa Fe」嘅13萬4千多港元不等，運費可以相差2.6倍！

2. 運送時間難料

1. 25天至5個月，最快的是「Crown」，最久的是「Alied」；托運至多倫多方面，8間聲稱正常情況下需時5周至3個月，最快的是「SwiftRelo」，最耐的是「Asian Tigers」。

3. 大量額外收費

• 週末或者假日上門包裝收貨會收錢
• 會按貨物體積同單位所在樓層計算附加費
• 運送期間損壞好大機會唔包保險！
• 有可能保障存倉期過咗，令到你貨物唔受保！

如果想減少中伏機會嘅話，可以留意以下幾點：

• 除咗比較服務收費外，亦要考慮船期、預計運送時間及商戶口碑等；
• 如果商戶表示船期緊張，應仔細查問船期延誤時的安排，例如會否衍生存倉費、所購買的保障會否受影響、可否安排到船期才上門收貨等；
• 留意目的地送貨地址是否可讓貨車直達門口、是否需要上落樓梯、有沒有電梯直達住宅單位等，了解當地搬運工人會否因應情況而額外收取費用；
• 作最終決定前，宜細閱合約條款，如發現對消費者不利的條款，可要求更改或刪除，又或選擇其他較可靠的物流商托運貨物。

文：Sliver