熱門話題

去Working Holiday有咩要準備?

刊登日期: 2019-12-12

好多人會趁自己後生,無咩負擔時去Working Holiday,一來可以離開香港,二來可以試下去外國嘅生活會係點,但好多人都講講下就已經過咗30歲呢個要求,無得去。但要鼓起勇氣去Working Holiday時,又唔知要準備啲咩。所以喺呢到,我會同大家講下有咩要準備!
 
1. 準備申請
要去Working Holiday就梗係要申請咗先啦。而香港依加可以去14個國家工作假期,但每個國家嘅申請都唔同,就好似日本咁,佢有兩個申請時間,4月同10月,如果過咗呢兩個時間就要等下年。而德國就一定要喺出發前3個月申請。 
 
所以如果大家要去就一定要留意返個申請要求,同埋準備理由書去講點解你會想去。
 
2. 住宿
而申請成功咗之後,一定要搞嘅就一定係喺住宿問題,如果唔係就要過住飄泊嘅流浪日子。
 
而好多人都會同人合租,或者租一間房,呢啲都係睇你負擔能力。如果大家係去英國嘅,可以睇下以下呢個租房網參考,http://www.spareroom.co.uk/
 
3. 銀行戶口/信用卡
銀行戶口就係準備定出糧用,但因為我哋係無住址證明,所以比較難申請,如果可以嘅話可以先準備定再過去。咁就會方便好多。
 
而信用卡就係當你無咁多現金喺身時都可以江湖救急一下!
 
4. 保險
保險都係可以喺香港準備定,去保障自己,有啲地方都規定咗你要買咗先可以做嘢。
 
而之前我都寫過一篇工作假期保險要注意嘅地方,大家可以參考返。
 
5. 電話卡
Working Holiday唔係去一兩個月嘅旅行咁簡單,又要聯絡屋企人,所以我都叫朋友點都喺香港買定啲上到網嘅電話去嗰到用住先,或者直接喺香港買定!
 
6. 交通
外國唔似香港咁,交通咁方便好多時要用車代步,而如果無國際牌或者車牌嘅人都可能要試下洗唔洗學下或者申請定。
 
而啱啱到埗,落機之後點樣去市中心更加要做定功課!
 
7. 搵定工 
去Working Holiday就當然唔剩係工作,都要去玩先算去過Working Holiday啦。但作為最鐘意返工嘅香港人好多時都唔鐘意無保障,會想去到外地前搵定工,如果你係呢種人嘅話要出發前上網搵定工喇!

文:阿飛


標籤:
Working Holiday
WHS
工作假期
工作假期保險
查看全部 熱門話題


你可能感興趣