返工大壓力瞓唔到？臨瞓前做呢5點包你瞓得好

刊登日期: 2019-12-02

都市人每日都工作忙碌，得閒死都唔得閒病，令到自己成日處於緊繃狀態。好多打工仔都因為工作太大壓力令到自己僅餘嘅休閒時間－瞓覺，都變成種壓力，因為每晚都瞓唔著，結果影響埋工作表現。有專家提出做以下幾件事比平時睡眠質素麻麻嘅人參考，等你哋可以有覺好瞓！

寫低聽日要做嘅嘢
香港人每日都有好多Deadline要趕，工作上或者係私人嘅嘢，好多時會忙到唔記得嗰日有咩嘢要做，而呢個時候就會產生焦慮，令大腦唔可以放鬆，保持運作。

而有位臨床心理學家同家庭睡眠專家 Whitney Roban曾經講過，我哋每晚臨瞓前都可以寫得聽日有咩係要處理，令你可以放低你嘅煩惱因為你確保你己經知道有咩要處理！

放低你部電話
好多人習慣咗臨瞓前會玩陣手機，碌下Facebook先瞓。但其實咁樣係唔好！因為手機嘅藍光會干擾到我哋褪黑素，呢種令我哋想瞓嘅化學物質產生。所以如果你臨瞓前睇得太耐手機會影響到你入眠時間！

臨瞓前睇書
夜讀係有助我哋靜低落嚟，有位註冊臨床社工 Sal Raichbach 講過睇書可以分散我哋嘅注意，減少我哋嘅焦慮，從而令我哋好瞓啲！

而且有位學者Nick Hobson講過臨瞓前睇書，可以改善我哋情緒管理因為當睡前閱讀變成習慣，呢種習慣會令我哋可以得以舒壓，令我哋覺得平靜。

臨瞓前唔好沖熱水涼
熱水涼俾人感覺暖笠笠，好似好適合瞓覺咁，但咁樣反而會令你更加難瞓得著！因為太熱係會令你難啲瞓著，而冬天時手腳保持溫暖可以加快瞓著！