好多前輩都話如果一套電影或者電視劇入面嘅情節做到「三成新七成舊」已經好難得，因為太陽底下無新事，所謂嘅創意都係試唔同嘅可能性而發掘出，而好多都係失敗收場，但重要係唔怕輸。咁究竟編劇無橋嘅時候，會做啲咩呢？等我分享下以前嘅返工嘅經歷俾大家知下！

 

好多時，如果大家度度下發現好都係走唔出個困境嘅時候，我哋都唔會迫自己，因為靈感呢啲嘢真係唔係迫到出嚟，有時有就有，無就無。

 

而遇到呢個情況，大家就去睇一啲相關嘅電影去攞下靈感，有時就係喺戲入面可以搵到啲可以用嘅嘢或者觸發到想法嘅嘢。

 

呢個就係我自己嘅個人習慣，如果我諗唔到嘢就會揀一架長途巴士，喺上層望下窗外嘅風景、人同事。有時，放空一下，可以令到自己走出嚟，唔洗果困住咗喺某個位。

 

而有時喺車到甚至會遇到一啲比起戲入面睇到嘅故仔更誇張嘅事。我哋做創作好易會變得離地，因為會做啲我哋腦海入面最想做嘅嘢，但搭巴士見到人上車落車，可以令你回到現實，貼返地啲。

 

呢個都係令自己放鬆嘅方法，同頭先講嘅嘢有啲似都係要令自己保持返啲距離，去審視返自己寫嘅嘢。而且度嘢好消耗精神，比起肉體上嘅休息，精神上反而更重要！

 

其實係喺任何地方都可以，因為我哋做創作嘅係無放工嘅時間，每時每刻都係做緊嘢，而你嘅創作好多部分都來自生活嘅經歷，所以我哋會比較留意身邊嘅事，想觀察返生活入面嘅細節，睇下有無咩嘢可以用到。

 

另外，都係喺人地嘅作品到拎下唔同嘅想法。我哋始終係個體，好容易用自己角度去出發，亦困死自已。而睇一套其他人嘅作品，可以參考對方點去諗嘢，代入對方嘅世界裡面。