熱門話題

​冰水解唔到辣?7種解辣食品/飲品

刊登日期: 2019-10-30

好多人雖然唔係好食得辣,但都好鍾意食辣,唔食到流曬汗、流曬鼻涕唔過癮,辣得制咪最多叫杯凍飲,灌幾啖就可以繼續食啦!再唔係咪飲奶囉!坊間人人都話牛奶可以解辣嘅,之但係,牛奶可以解辣,其實有冇科學根據架呢?就咁飲冰水,其實又有冇用架呢?

牛奶
牛奶可以解辣,又真係有根據嘅,事關牛奶中的酪蛋白,能夠將辣椒素帶走,並可減少舌頭感受器官上的辣椒鹼,紓緩辣連帶的疼痛感,達致絕佳的解辣功效,加了糖或低溫的全脂牛奶,解辣效果更佳。

酸性飲品
好多麻辣火鍋店都會準備酸梅湯等酸性飲品畀客人享用,咁係因為辣椒中含有辣椒素,其屬生物鹼的一種,會刺激三叉神經,令人產生好似被火燒到的刺痛感。想減輕食辣的燒灼感,正正可以飲返一啲酸性嘅飲品,平衡返口裡面嘅辣椒鹼,達到解辣嘅功效。

熱茶
條脷本身已經辣到好痛、好㷫,飲熱嘢咪仲辛苦?其實都唔一定嘅,飲啖熱茶或者幫到你,因為熱茶燙口,可以令人暫時忽略咗口腔中的辣;另一個原因係因為熱茶能夠令吸附在脷苔上的辣椒素擴散開來,從而降低辣椒素的濃度,有助解辣。

啤酒
啤酒配麻辣鍋?呢個組合唔錯喎!啤酒送邊爐除咗好味,仲有用處架!因為啤酒中的酒精可以溶解部份嘅辣椒素,碳酸在口腔裡變成二氧化碳,亦能將吸附在脷苔上的辣椒素擴散開去。下次去食麻辣鍋,記得嗌定枝啤酒喇!

青瓜
好多涼拌沙律都會用上青瓜,除了因為青瓜清爽、有口感之外,仲因為佢有解辣嘅功效!以後食泰式沙律,就唔洗怕辣得制冇嘢解辣啦!食返幾條青瓜,相信可以中和返個辣味架喇!


食嘢辣得制?可以試吓放少少糖喺脷上面含住,其可有助中和辣的灼熱感,並吸收辣椒油份子,溶解辣椒素。除咗砂糖,蜜糖都有同樣嘅功效架!

牛奶朱古力
由於辣椒素更易溶於脂肪,朱古力中的脂肪因而能有助去除辣椒素,含有高脂肪和高酪蛋白的牛奶朱古力,解辣效果比黑朱古力更為顯著,以後大家就多個藉口食朱古力啦!

出去食嘢辣得制好辛苦?唔一定要花錢嗌凍飲嘅,放少少糖落條脷度,唔多唔少都止到啲辣架!以後解辣唔好飲冰水咁蠢喇!冰水只能暫時麻痺舌頭上的神經,起到鎮痛的作用,但其實由頭到尾都冇減少過辣架!

文:Noelle


標籤:
解辣
牛奶朱古力
食辣
解辣方法
查看全部 熱門話題