依家經濟不景，唔少打工仔都希望保住份工，就算想轉工都會有猶豫，一方面怕搵唔到工，另一方面都怕轉工之後人工，褔利都不如以前。不過依家房屋署有份絕世筍工！唔單止入職要求唔算高，人工仲幾可觀添！由總薪級表第9點(每月22,725元)到總薪級表第27點(每月55,995元)，有興趣申請者不妨參考下文。
 
有咩入職條件？
如果你想申請做房屋事務主任只要具備以下呢兩個要求就得！

學歷	HKDSE（香港中學文憑考試）： 任何五科成績要有有3或以上
	HKAL（香港高級程度會考）加HKCEE（香港中學會考）： 喺HKAL要有兩科有E或以上成績； 喺HKCEE要有三科考獲C或以上成績。
語文能力	HKDSE（香港中學文憑考試）或者HKCEE（香港中學會考）中國語文及英國語文至少獲得2級或以上成績；可以用中文溝通。

 
大家可以睇到今次房屋署請人唔需要大學學歷都得！如果你有相關工作經驗（如物業管理）者仲可以獲得優先考慮！
 
房屋事務主任平時有咩要做？
房屋事務主任會負責以下呢四樣職責：

• 協助執行公共租住屋邨、出售單位屋邨、工廠大廈、非住宅物業和停車場的物業加租約管理，亦會負責維修保養工作，以及其他與房屋委員會業務／活動相關的工作；
• 會見公屋申請人和出售單位買家，並審查有關申請，以及執行編配單位和其他相關職責；
• 執行有關寮屋、清拆、限制駛入道路、非法泊車、阻塞通道、環境衞生和《房屋條例》事宜的執法職務；以及
• 推行房屋委員會制定的房屋政策。

 
但申請人就要留意返一點，房屋事務主任可能要不定時返工同埋借調到其他政府部門工作。
 
房屋事務主任Career Path會係點？
房屋事務主任入職人工高得嚟，仲好吸引嘅Career Path，大家可以留意下！


 
而根據網上資料，房屋事務主任嘅入職競爭係70個人爭1個位，競爭都幾大，但係晉升比例係高達44%，換言之其實當你做到一定年資時就好大機會可以升到副房屋事務經理，而現時全港總副房屋事務經理有528人！
 
條款
獲取錄的申請人通常會按公務員試用條款受聘3年。通過試用關限後，或可獲考慮按當時適用的長期聘用條款聘用。
 
附帶福利包括有薪假期、醫療及牙科診療。在適當情況下，公務員更可獲得房屋資助。
 
有興趣人士，可於2020年5月29日，晚上11:59或之前，透過公務員事務局網站網上申請；申請人亦可把申請書連同所有學歷的正式證書副本寄送至九龍何文田佛光街33號房屋委員會總部第二座3樓房屋署委任分組（請於信封面註明申請職位）。申請表格可向各民政諮詢中心或各就業中心索取，亦可從上述網址下載。申請人如獲選參加能力傾向測試/面試，會在截止申請後約12-14個星期內收到email或郵寄通知，大家記住double check自己個email和地址冇填錯啊！
 
職位詳情：https://bit.ly/36lnjfm
 
資料來源：公務員事務局