熱門話題
跳槽全攻略！職場專家教你點樣在職搵工
刊登日期: 2019-10-17
唔少人成日對自己份工都好不滿，但依家出面環境咁差，又邊到敢裸辭呢？咁唯有騎牛搵馬啦。但實質嚟講，點樣先可騎住隻牛搵另一隻馬呢？不妨睇下以下依三個貼士，學下嘢啦：
修補你份CV
你對上一次update你份CV係幾時嘅時呢？係咪就係你見緊依家打緊嗰份工嗰陣？如果真係咁耐都無update嘅話，依家就一定係趁著依個時間去update你份CV啦。
唔少人都會等到佢哋要apply另一份工嗰陣，先至會去睇翻自己有乜嘢可以加落份CV到，因為佢哋想為每一份工嘅職位所需都度身訂造一份CV。雖然為每一份工tailor make一份CV係好重要啊，但係其實唔係你最需要做首要一步。唔少人經常會忽視咗一樣嘢：其實第一步係應該要整出一份send去邊都得嘅CV。
一份萬能嘅CV可以幫到你兩樣嘢。首先，你可以有一個打底嘅詳盡CV，等當你真係要改嘅時候，你可以隨時揀到你需要用嘅材料。其次，如果有一份工係要求你即時send 份CV，而你又整唔切嗰陣，你起碼可以send咗詳盡啲嗰份先。
打造你嘅個人品牌
係依家依個世代，唔少人都會整一個個人代嘅網站，又或者係大大少少嘅網絡平台上面寫文章，又或者開個Facebook或者Instagram到做一啲推廣到自己嘅活動同埋宣傳嘅。
當你真係要去到一個位，係你好急住要send好多份CV去唔同嘅應徵post嗰陣（例如你終於唔洗再係嗰間公司做嘢，無得騎牛搵馬啦），你將會變得好忙而無時間去整個人網站或者係寫網誌文章。而且，唔少HR都會欣賞一啲做多過講，或者有實際行動，而唔係淨係諗住去做嘅人。當你介紹自己嗰陣，有個實質嘅嘢去展示俾人睇，自己識做乜嘢，係更加會令人對你眼前一亮嘅。
所以，不妨依家開始，令自己係網絡上面曝光多啲，咁可以令到你做緊嘅嘢更加受到人肯定。
準備好你嘅人際網絡
當然，當你仲係翻緊工嗰陣，係唔可能向同事搵到一份referral letter，但如果要你向一啲無咩聯絡嘅朋友問有冇工介紹又會好尷尬喎。如果你同嗰啲人已經有一段無聯絡嘅話，不妨試下同人say句hi，傾翻計先啦。
記住，你唔想即刻變成一個stalker嘅。如果你突然同人每個禮拜傾翻句計嘅話，係會顯得你好唔誠懇，有著「有朋自遠方來，非姦即盗」嘅感覺。
再者，你又唔可以完全唔提起你想搵翻人嘅理由——但你又唔可以令到個話題太過有導向性喎。所以，即使你仲未準備好同人大聲講你係到搵緊一份新工都好啦，你可以同人表示你對佢哋嗰行好有興趣，或者想學下嘢，對佢哋做嘅嘢知多啲咁樣，問多啲問題顯示你嘅好奇心。當你擺自己係一個學嘢嘅位置，咁你就可以問多嘢啦，尤其係問點先可以入行啦。
記住以上依三點，學下點樣先可以在職求職啦！
資料來源：The Muse
熱門空缺
