唔少人入到一個新嘅職場環境嗰陣都好難即刻識到人。眼見唔少同事係同事圈入面依個傾下，嗰個傾下，成個交際花咁。咁點先可以做到人見人愛，試下以下依5招啦。

1. 貫切始終
當到處都有你嘅立場嘅時候，可能就會令到你唔受人喜愛。當人哋接近你嗰陣，佢哋會想同一啲佢哋可以預計到反應嘅人相處，因為咁樣就可以減少到發生尷尬情況或者被人傷害到嘅機會啦。要做到依點，你必須要係處理人際關係，或者回應人嗰陣時貫切始終，要俾人一種可以信賴嘅感覺，而且你需要確保自己嘅情緒唔會影響到你對其他人嘅回應方法，或者同人相處嘅步調。

2. 善用肢體語言
留意同認識你嘅肢體語言，表情，同埋語調（確保佢哋係正面咁表達你嘅立場、意見同埋情緒）可以令到你變得人見人愛，就好似螞蟻圍蜜糖咁。用一個熱情嘅語調去說話，張開你交叉嘅雙手，保持眼神接觸，同埋將身體頃向講緊嘢嘅人等等。依啲都係一啲高EQ嘅人會用到嘅正面肢體語言，去吸引其他人聆聽自己。依啲正面嘅肢體語言絕對會係你同同事嘅對話之間起到變化：有時你點講嘢仲重要過你講啲乜嘢。

3. 深刻嘅第一印象
有研究發現唔少人要決定鍾唔鍾意一個人嘅時候，都會係初次見嗰個人嘅頭7秒之間做到決定嘅。佢哋之後只會用後續嘅對話係心入面證實佢哋嘅第一反應係啱嘅。咁樣聽落去可能係好恐怖，但係知道依個法則之後，你就可以善用依個方法去大幅增加人哋鍾意你嘅機會。第一印象同上述嘅正面肢體語言有莫大嘅關係。一個有強度嘅姿勢，一個明確力度嘅握手，微笑，同埋打開雙肩，向著你嘅傾計對象做依啲嘢都可以確保你嘅第一印象係非常之良好嘅。

4. 講對方嘅名
一個人嘅名係佢哋身份最為重要嘅認証，而且當其他人用自己嗰名嗰陣，一般人都會有一種良好嘅感覺。受人鍾愛嘅人通常會確保佢哋每次見到人嘅時候都會叫人嗰名嘅。你唔應該只係喺同人打招呼嘅時候叫人個名。有研究發現喺一個對話入面，當傾計嘅對象係用緊佢哋嗰名叫自己嘅話，佢哋通常會覺得自己受到對方嘅肯定。

5. 敢於發問
若果你好似筆者咁，只係叻認人樣，唔叻記人名嘅話，試下將記人名變成一個好玩嘅遊戲，鍛練下自己嘅腦筋啊。當你見到某啲人嘅時候，唔好怕咗尷尬就唔去問人哋嗰名第二次，尤其係當你唔記得人哋個名嗰陣。當你下次見到佢想再叫佢個陣，就會變得好有用架啦。

睇完以上5招，不妨試下派上用場，等自己快啲融入同事圈子啦。

文：特雷弗
讀嘅係心理學，做嘅又係心理學嘅嘢，志願係唔再做心理學嘅嘢。

資料來源：Business Insider