都市人生活壓力大，日坐 office 九個鐘，腰痠背痛唔在話下，仲要煩惱多、壓力大，搞到失眠成為好多打工仔每晚必須經歷嘅痛苦。明明攰到死，但偏偏瞓唔着，食安眠藥又唔健康，長期咁落去真係唔係辦法。其實要改善失眠，唔一定要靠藥物，自然界就有好多植物可以幫到手，放幾棵喺房度，已經可以令你瞓得安穩啲。

茉莉：減焦慮＋提升睡眠質素
茉莉花香氣能夠減少焦慮、改善心情，仲有助提升睡眠質素。容易栽種，通風半陰環境就啱晒，放喺睡房最合適。

薰衣草：失眠人士好朋友
薰衣草香味有鎮靜安神作用，能舒緩心情、改善焦慮同失眠。仲可以用嚟煮餸、泡茶、做香包，一物多用。

薄荷：放鬆心情＋抗菌
薄荷有助放鬆心情同改善睡眠，仲能抗菌同淨化空氣。不過要注意份量，過量反而會令人精神過度。

蘆薈：夜晚釋放氧氣
蘆薈喺晚間會釋放氧氣，改善室內空氣質素，NASA 都推介佢係最佳室內植物之一。容易打理，懶人都養得起。

忘憂草：安神＋抗衰老
忘憂草葉有安神作用，花同根仲有健胃、補血、利尿等功效，仲有抗衰老效果，真係要養返棵先得。

艾草：浸腳＋安眠解乏
艾草香味有安眠解乏作用，仲能驅蚊殺菌。浸腳或者放少少喺枕頭邊，都能幫助改善睡眠。

迷迭香：西餐香料＋助眠良方
迷迭香除咗煮西餐，仲有鎮靜安神、醒腦、治療失眠同頭痛嘅功效。用佢沖水飲，仲可以改善消化不良。

失眠唔一定要靠藥物，自然界有好多天然植物可以幫到你。茉莉、薰衣草、薄荷、蘆薈、忘憂草、艾草同迷迭香，各有不同功效，唔單止聞得、睇得，仲用得、食得。打工仔只要喺房間放返幾棵，就可以改善睡眠質素，減少失眠困擾。

文：Noelle＠ECjobsonline 編輯部