熱門話題
朝早返工成日水腫？教你如何踢走水腫
刊登日期: 2019-06-17
水腫真係好乞人憎！可能前一晚夜瞓少少，或者食咗個杯面，第二日已經腫到好似肥咗兩個碼咁！塊面脹到好似個波，仲要有時兩邊面唔平衡！真係連鏡都唔想照！究竟有咩方法可以極速踢走水腫、還原靚靚呢？
按摩
想消除面部水腫，可嘗試按壓雙眼下方與鼻翼側邊的交會點、下巴下方的凹陷處，或嘴唇下方的凹陷處，皆能夠瘦面、消水腫；而要消除下肢水腫，走路時應伸直向前伸出的腳，腳尖向前，腳踭着地，以正確方式走路，才能有助消除下肢水腫。
健康飲食
要避免水腫，最有效嘅方法都係控制飲食，盡量清淡，少糖少鹽，少食加工食品。如果真係出現水腫問題，可多補充富含鉀、維生素B1和利尿的食物，例如香蕉、西瓜、青瓜、冬瓜、薏仁、紅豆等等，對消水腫有一定幫助。
Coffee or tea
按摩和健康飲食，對袪水腫有一定功效，但就需要長啲時間，如果需要在短時間內消水腫，可飲返杯咖啡或茶，尤其是齋啡，消水腫唔錯架！唔怪得唔少明星藝人出鏡之前，都會飲返杯黑咖啡，上鏡塊面都瘦啲、冇咁圓潤啊嘛！
冷熱敷臉
先用熱毛巾敷臉，再換冷敷，這樣重複3次，敷約15分鐘，可令面部血管收縮和擴張，以促進肌膚的血液循環，排除臉部多餘的水份；大家亦可就咁用毛巾包住啲冰嚟敷面，甚至乎用枝凍飲敷住塊面，都可以刺激面部水腫的部位，達到快速消除水腫的效果。
朝早起身又水腫？即刻按吓摩、敷吓塊面、整杯齋啡啦！但其實最治本嘅方法，都係培養良好作息和運動習慣，更要飲多啲水和食多啲菜，咁就唔洗成日臨急抱佛腳、搵方法袪水腫啦！
文：Noelle
熱門空缺
