「個人信貸報告」對好多人嚟講都好陌生，聽都未聽過呢份嘢嘅存在。但其實呢份嘢對現代人嚟講係好重要，尤其依加呢個活喺「無現金時代」！「個人信貸報告」好影響到我哋平時申請貸款，好似係信用卡、買樓按揭，甚至係求職，因為呢份嘢可以睇到我哋嘅「個人信貸評分」。

 

根據消委會嘅報告指出，「個人信貸報告」係由信貸資料服務機構將我哋一路以嚟嘅借款紀錄整合而成。當中嘅資料來源就係我哋以往曾經向佢哋申請過信貸嘅「銀行」、「發卡機構」同埋「財務機構」。

 

 

簡單咁講呢報告可以睇到哂我哋之前嘅借錢紀錄，而銀行會根據呢個報告去決定利息嘅高低。但最影響到我哋借唔借到錢或者申請信用卡就係我哋嘅信貸評分！

 

信貸評分係經過信貸資料服務機構嘅計算而得出，而呢個評分係用嚟參考值唔值得借錢俾你。評分由A至J級，一共有10級。A係最好，J就最差。

 

假設，「我」嘅評分係「A」，代表「我」相對地可以準時還到錢比銀行，銀行壞帳風險係比較低，所以「我」借錢時，「我」嘅貸款條件會比起評分得「J」嘅人好，例如，我嘅息口會比較低、者借到多啲錢或者有長啲還款期。而「A」同「J」嘅利息總額可以相差十幾倍。

 

就咁睇落好似呢份嘢頂多影響我哋借唔借到錢啫，唔會影響我哋搵工。但消委會指越嚟越多僱主請人之前會要求求職者申報自己嘅財務報告，去評估求職者嘅誠信或者理唔理到財，尤其係涉及監管、IT、會計師同埋金融業。但呢幾年，多咗唔同行業嘅老細會睇信貸報告去衡量求職者係咪可靠。

 

消委會有以下呢個項建議去改善評分：